Fotoda: Akter Doshan Joljaqsynov Qunanbai rólinde. Sýrettiń avtory - Rafat Begishev
Jýrnalist Nurseiit Jylqyshybai turǵyndarǵa erekshe usynys jasady. Ol balasynyń atyn Qunanbai dep qoiǵan on adamǵa «Alaman» kompaniiasynyń atynan 3 mln teńge, iaǵni ár adamǵa 300 myń teńgeden bóletinin jariialady, dep habarlaidy Ult.kz.
Nurseiit Jylqyshybai bul ideiany kásipker Dýlat Tastekeiden alǵan eken.
"Kásipker Dýlat Tastekei aǵamyz Uly Abaidyń 180 jyldyǵyna keremet bir bastama kóterip jatyr eken. 2025 jyldyń 10 tamyz kúni dúnie esigin ashqan barlyq Abailarǵa 180 myń teńgeden bermek eken. Asyltas qorynyń bul bastamasyn men de óz shama-sharqymsha qoldaimyn. Biraq... ", -dei kele óz shartyn feisbýk arqyly jariialady.
Foto: Nurseiit Jylqyshybaidyń feisbýk paraqshasynan
"Qazaqta Abai degen at az emes. Al Qunanbai she? Alda bir jazǵanymdai Qunanbai, Dónentai, Tursyn syndy qazir qazaqy attar qoiylmai ketti. Esesine arabsha attar qaptady. Bul bir. Ekinshiden Abaidyń Abai bolýyna yqpal etken ákesi. Emendei berik, báiterektei zor Quananbai! Qaradan shyǵyp han bolǵan. Ádildikti qaq jarǵan sheshen ári balýan bolǵan tulǵa!" -dep aitty N. Jylqyshybai.
Jýrnalistiń sharty: ulynyń atyn Qunanbai dep qoiǵan on adamǵa «Alaman» kompaniiasynyń atynan 3 mln teńge bólinedi. Iaǵni balasynyń atyn Qunanbai dep qoisa 300 myń teńgeni birden ata-anasynyń shotyna aýdarmaq.
Ol úshin balasynyń atyn Qunanbai dep qoiǵanyn dáleldeitin týý týraly kýálikti N. Jylqyshybai kórsetken WhatsApp nomerine jiberý kerek. Bul shara 1 naýryzdan bastalady.
"Árine keiin bul sharanyń esebin ózderińizge beremin. On sábi Qunanbaidy ózderińizge tanystyramyn. Sizder aq tilekterińizdi aitasyzdar!" -dedi Nurseiit Jylqyshybai.
Bul ideia jeli qoldanýshylarynyń qyzyǵýshylyǵyn týǵyzdy. Jýrnalist Gúlzina Bektasova arnaiy Ulttyq statistika biýrosyndaǵy aqparattardy zerttep, elimizde 1-18 jas arasynda Qunanbai esimdi 135 bala bar ekenin anyqtapty. Qunanbai esimdi 22 balanyń jasy – 3-te, bir Qunanbai 12-de bolsa, bireýi – 13-te eken dep jazady jýrnalist.
