بٷگٸن قازاق ەدەبيەتٸنٸڭ كلاسسيگٸ, كٶركەم سٶزدٸڭ شەبەرٸ بەيٸمبەت مايليننٸڭ 125 جىلدىعىنا ارنالعان ٸس-شارالار بەيٸمبەت مايلين اۋدانىنىڭ ورتالىعى ەيەت اۋىلىندا كەڭ كٶلەمدە اتالىپ ٶتتٸ, دەپ حابارلايدى قازاقپارات.
«بەيٸمبەت مايليننٸڭ مۇراسى – ۇلتتىڭ اسىل قازىناسى» عىلىمي-پراكتيكالىق كونفەرەنتسيياسىندا قازاقستان جازۋشىلار وداعىنىڭ تٶراعاسى ۇلىقبەك ەسدەۋلەت سٶز سٶيلەپ, بەيٸمبەت مايليننٸڭ قازاق ەدەبيەتٸ مەن قوعامدىق ٶمٸرٸندەگٸ ەڭبەگٸ تۋرالى سٶز ەتتٸ.
«بەيٸمبەت مايلين – قازاق جازبا ەدەبيەتٸنٸڭ باسىندا تۇرعان ادام. الىپتاردىڭ شوعىرىن باستاۋشىلاردىڭ بٸرەگەيٸ. سوندىقتان دا بۇل شارانىڭ ماڭىزى بٶلەك. بي-اعاڭ ٶز دەۋٸرٸندەگٸ شىندىقتى جەرٸنە جەتكٸزە سۋرەتتەدٸ. ەسٸرەسە, حالىقتىڭ باسىنا تۋعان الماعايىپ كەزەڭ – اشارشىلىقتى بارىنشا شىنشىل بەينەلەدٸ. قازاق ۇلتىنىڭ تاعدىرىنا كەسە-كٶلدەنەڭ تۇرعان نەۋبەتتەر جازۋشى نازارىندا بولدى. ول اقيقاتتى بٷكپەسٸز ايتتى. قازاق پروزاسىنداعى ەڭگٸمە جانرىنىڭ نەگٸزٸن سالعان ەكٸ ادامنىڭ بٸرٸ وسى بەيٸمبەت مايلين ەدٸ. ونىڭ ەڭگٸمەلەرٸ ٶمٸر شىندىعىن دٶپ باستى. شىعارمالارىنىڭ رەاليستٸك تەگەۋرٸنٸ, كٶركەمدٸك بيٸك ٶرەسٸ, تاقىرىبىنىڭ ەرالۋاندىعىمەن دارالاندى. ٶزٸ ٶمٸر سٷرگەن قوعامدى ەڭگٸمەلەرٸنە ارقاۋ ەتٸپ, ەنتسيكلوپەدييالىق كەمەلدٸكپەن سومداي بٸلدٸ. مٸنە, بٸز بي-اعاڭا وسى ٷشٸن دە قارىزدارمىز», - دەدٸ ۇلىقبەك ەسدەۋلەت.
سونىمەن قاتار, جازۋشىلار وداعىنىڭ تٶراعاسى 80 جىل بويى تاران ەسٸمٸن يەلەنٸپ كەلگەن اۋدان ورتالىعىنا ونىڭ تاريحي اتاۋى قايتارىلعانىن اتاپ ٶتتٸ.
كونفەرەنتسييادا بەيٸمبەت مايلين كەزٸندە جاۋاپتى حاتشى بولعان رەسپۋبليكالىق «ەگەمەن قازاقستان» گازەتٸنٸڭ باس رەداكتورى ايبىن شاعالاقوۆ پەن قر بعم مەملەكەت تاريحى ينستيتۋتىنىڭ جەتەكشٸ عىلىمي قىزمەتكەرٸ قۇندىزاي ەرٸمبەتوۆا, تاعى باسقا ەلٸمٸزدٸڭ تٷكپٸر-تٷكپٸرٸنەن كەلگەن زييالىق قاۋىم, ەدەبيەتشٸلەر مەن تاريحشىلار سٶز سٶيلەپ, بي-اعانىڭ كٶپشٸلٸك بٸلە بەرمەيتٸن قىرلارىن ەڭگٸمەلەدٸ.
شارا سوڭىندا بيىلدىڭ ٶزٸندە اۋداننىڭ ەلەۋمەتتٸك-ەكونوميكالىق دامۋىنا 12 ملن تەڭگە باعىتتاعان «مايلين» جشس ديرەكتورى, مەتسەنات, بيىلعى «جومارت جٷرەك» جوباسىنىڭ «جىل تۇلعاسى» اتانعان پەتر بۋشكينگە بەيٸمبەت مايلين اتىنداعى قور ارنايى مەرەيتويلىق تٶسبەلگٸسٸن تابىستادى.
