بٷگٸن قازاق حالقى الماتىداعى م.ەۋەزوۆ اتىنداعى مەملەكەتتٸك دراما تەاترىندا اياۋلى پەرزەنتٸ, بٸرتۋار قالامگەر شەرحان مۇرتازانى اقتىق ساپارعا شىعارىپ سالدى.
قارالى جيىنعا جينالعان قاۋىم شەرحان مۇرتازامەن بٸرگە قىزمەت ٸستەگەن, دوس بولىپ قاتار جٷرگەن كەزدەردەن ەستەلٸكتەر ايتتى.
اقىن, قر جازۋشىلار وداعى باسقارماسىنىڭ تٶراعاسى ۇلىقبەك ەسدەۋلەت شەراعانىڭ قازاسىن اساۋ تولقىننىڭ تىنشۋىمەن سالىستىردى.
«سۇم اجال الاشتىڭ اياۋلى پەرزەنتٸ, ابىز اقساقال, قازاق ەدەبيەتٸنٸڭ قايتالانباس قايراتكەرٸ, قازاقتىڭ ۇلى قالامگەرٸ شەرحان مۇرتازانى ورتامىزدان الىپ كەتتٸ. قازاق ەدەبيەتٸنٸڭ كٶرنەكتٸ ٶكٸلٸ, جازۋشى, اقيقاتتىڭ الداسپانى, شىندىقتىڭ شىراقشىسى اتانعان قر مەملەكەتتٸك سىيلىعىنىڭ لاۋرەاتى شەرحان مۇرتازا 87 جاسقا قاراعان شاعىندا دٷنيەدەن ٶتتٸ. الىپ جٷرەك توقتادى, اساۋ تولقىن تىنشىدى. قازاقتىڭ جٷرەگٸ قان جىلاپ, تەڭسەلٸپ تۇر. شەراعا ٶز عۇمىرىن تۇتاستاي جۇرتىنا ارنادى. شىرىلداعان شىندىق ٷشٸن جانىن شٷبەرەككە تٷيٸپ تۇرىپ شايقاستى. اقيقات ٷشٸن ارىستانداي ارپالىستى. «ايىر تٸل جىلاندا عانا بولادى, ال ادامنىڭ تٸلٸ - بٸرەۋ عانا» دەپ تۋعان تٸلٸمٸزدٸڭ مەرتەبەسٸ ٷشٸن كٷرەستٸ. جەردٸ ساتۋ - انانى ساتۋمەن تەڭ دەپ, تۋعان جەرٸنٸڭ تۇتاستىعى ٷشٸن تارتىستى. «رۋحى مەن نامىسى سٶنگەن ەل - ٶلگەن ەل» دەپ ۇرپاقتىڭ رۋحىن وياتتى. «تەۋەلسٸزدٸكتٸڭ دەمٸ تەتتٸ, جولى قاتتى» دەپ ەگەمەندٸگٸمٸزدٸ بەكٸتۋگە بەل بۋىپ كٸرٸستٸ. «ەلباسى بٸرەۋ, قالعانىمىز تٸرەۋ بولۋىمىز كەرەك» دەپ ەلٸمٸزدٸڭ بولاشاعى ٷشٸن كٶكبايراقتىڭ استىندا تٸزە قوسىپ بٸرٸگۋٸمٸز كەرەكتٸگٸن قاداپ ايتتى. اقيقاتتىڭ الداسپانى, شىندىقتىڭ شىراقشىسى بولعان قالامگەردٸڭ ٶلمەس شىعارمالارى ۇرپاققا ميراس بولىپ قالدى. كٷندەي كٷركٸرەگەن كٷش-قۋاتى, مۇقالماعان جٸگەرٸ, ارقىراعان ايبارى, نايزاعايداي جارقىلداعان نامىسى قالدى», - دەدٸ اقىن.
ۇلىقبەك ەسدەۋلەت شەرحان مۇرتازانىڭ جۋرناليستٸك جولى تۋرالى دا ايتىپ ٶتتٸ.
«شەراعا ەلٸمٸزدٸڭ باسپاسٶزٸ مەن اقپارات سالاسىن بيٸككە شىعارۋ ٷشٸن جان اياماي اتسالىستى. «جۇلدىز» جۋرانلىندا, «لەنينشٸل جاس» «قازاق ەدەبيەتٸ», «ەگەمەن قازاقستان» گازەتتەرٸندە باس رەداكتور, قر مەملەكەتتٸك تەلەراديو كومپانيياسىنىڭ تٶراعاسى بولعان كەزٸندە دە ٶرٸمدەي, تالانتتى جاستاردى جانىنا جيناپ, تەلٸم بەرە بٸلدٸ. ۇلاعاتتى قالامگەر عانا ەمەس, ۇلى ۇستاز اتاندى. بۇل شەكٸرتتەرٸنٸڭ بەرٸ كەيٸن قازاقتىڭ بٸرتۋار ازاماتتارىنا اينالعاندا, ٶزدەرٸن «شەرحاننىڭ شەكپەنٸنەن شىققانبىز» دەپ ماقتانا الاتىن حالگە جەتتٸ», - دەدٸ ۇ.ەسدەۋلەت.
ايتا كەتۋ كەرەك, قازاقستاننىڭ بەلگٸلٸ جازۋشىسى, قوعام قايراتكەرٸ شەرحان مۇرتازا 86 جاسىنا قاراعان شاعىندا 9-قازاندا شامامەن 18:30-دا الماتى قالاسىنداعى ٷيٸندە اۋىر ناۋقاستان قايتىس بولعان ەدٸ.
