بريتان پارلامەنتٸ ەل ٷكٸمەتٸنٸڭ شەتەلدٸك مەملەكەتتەرگە كٶمەك كٶلەمٸن جالپى ۇلتتىق كٸرٸستٸڭ 0,7%-نان 0,5%-عا دەيٸن قىسقارتۋ ۇسىنىسىن قولدادى, دەپ حابارلايدى Euronews اقپارات اگەنتتٸگٸ.
وسى باستاماعا بايلانىستى كٶمەككە مۇقتاج ەلەم ەلدەرٸ بيىلعى جىلى كورولدٸكتەن تٶرت ميلليارد فۋنت ستەرلينگكە جۋىق كٶلەمدەگٸ كٶمەگٸن المايدى. زاڭ جوباسىن قولداپ 333 دەپۋتات داۋىس بەرسە, تاعى 298 دەپۋتات وعان قارسى شىقتى.
ۇلىبريتانييا پرەمەر-مينيسترٸ بوريس دجونسون وسىنداي قادامنىڭ قاجەت بولعانىن اتاپ ٶتتٸ.
«سٸز ٶز حالقىڭىزدى بۇرىن بولماعان ەكونوميكالىق داۋىلدان قورعاۋ ٷشٸن 407 ميلليارد فۋنت ستەرلينگ جۇمساۋعا مەجبٷرلٸ بولساڭىز, مەملەكەتتٸك شىعىننىڭ باسقا سالالارىنا دا قيىندىق تۋىندايدى», - دەدٸ ول.
ۇلىبريتانييانىڭ بۇرىنعى پرەمەر-مينيسترٸ تەرەزا مەي مەن وپپوزيتسييا كٶشباسشىسى سەر كەير ستارمەن زاڭ جوباسىنا قاتىستى قاتاڭ سىن ايتتى.
«دامىتۋ ماقساتىندا جٸبەرٸلٸپ وتىرعان كٶمەك قىسقارتىلۋدا. وسى ارادا بٸز ونىڭ جانجالداردىڭ الدىن الىپ, اۋرۋ جەنە ٷيلەرٸن تاستاپ كەتەتٸن ادامدار سانىن ازايتاتىنىن بٸلٸپ وتىرمىز», - دەدٸ وپپوزيتسييا كٶشباسشىسى كەير ستارمەر.
دجونسون قارجى مينيسترلٸگٸنٸڭ كٶمەك كٶلەمٸن بۇرىنعى كٶرسەتكٸشكە قايتارۋ مٷمكٸندٸگٸن جىل سايىن قاراستىرىپ وتىراتىنىن مەلٸمدەدٸ. ال ەزٸرگە بٸرقاتار قايىرىمدىلىق ۇيىمدار, اتاپ ٶتكەندە Oxfam جەنە ActionAid كٶپتەگەن جوبالاردى توقتاتاتىنىن ەسكەرتتٸ.
