قر تٶتەنشە جاعدايلار مينيسترلٸگٸ ەكٸمدٸكتەرمەن بٸرلەسٸپ, اۆتونومدى جىلىتۋ جٷيەسٸ بار ٷيلەرگە 118 مىڭنان استام داتچيك ورناتتى. بۇل تۋرالى قر تٶتەنشە جاعدايلار مينيسترٸ يۋريي يلين ايتتى, دەپ حابارلايدى قازاقپارات.
«ٶكٸنٸشكە وراي, ٶرت سانىنىڭ كٶبەيۋٸ تۋرالى جاعىمسىز ستاتيستيكانى بايقاپ وتىرمىز. جالپى ەلٸمٸز بويىنشا 2020 جىلدىڭ تامىز-قىركٷيەك ايلارىنان جىلىتۋ ماۋسىمى باستالعانشا ەكٸمدٸكتەرمەن جەنە ەلەۋمەتتٸك قورعاۋ ورگاندارىمەن بٸرلەسٸپ ٷيلەردٸ ارالاپ, رەيد جٷرگٸزدٸك. مۇندا حالىقتىڭ وسال توپتارى – جالعىزباستى قارتتار, زەينەتكەرلەر, كٶپ بالالى وتباسىلار, قوعامنان شەت قالاتىن ادامداردى نازارعا الدىق. ەلٸمٸز بويىنشا وسىنداي 118 مىڭ ٷيدٸ ەسەپكە الدىق. بۇل ٷيلەردٸڭ بارلىعىندا جەرگٸلٸكتٸ اتقارۋشى ورگاندار مەن دەمەۋشٸلەردٸڭ قاتىسۋىمەن گاز جابدىقتارىن باقىلاۋ داتچيكتەرٸ ورناتىلدى», - دەدٸ مينيستر ورتالىق كوممۋنيكاتسييالار قىزمەتٸندە ٶتكەن بريفينگتە.
مينيستردٸڭ ايتۋىنشا, سەنسورلاردىڭ جۇمىسى جالپى وڭ نەتيجە كٶرسەتٸپ وتىر.
«سوڭعى ەكٸ ايدا داتچيكتەر ورناتىلعان ٷيلەردە ٷش رەت دابىل قاعىلدى. وسىلايشا, داتچيكتەر ونداعى ادامداردىڭ ٶمٸرٸ مەن دەنساۋلىعىن ساقتاپ قالدى», - دەدٸ مينيستر.
ۆەدومستۆو حابارىنا سەيكەس, ەل بويىنشا 2 ميلليون 300 تۇرعىن ٷي بار.
«وبلىس ورتالىقتارى مەن قالالاردا وسىنداي 940 مىڭنان استام ٷي جەنە اۋىلدىق جەرلەردە 1 ميلليون 414 مىڭ ٷي بار. قۇرىلىستار بٶلٸنٸسٸندە ايتار بولساق, 2 ميلليون 50 مىڭنان استام جەكە تۇرعىن ٷي جەنە كٶپقاباتتى – 314 مىڭ ٷي بار. بٸزدٸڭ قىزمەتكەرلەر ەلەۋمەتتٸك قورعاۋ ورگاندارىمەن, ۋچاسكەلٸك ينسپەكتورلارمەن بٸرلەسٸپ 2 ميلليونعا جۋىق ٷيدٸ (81%) ارالاپ شىقتى. ەڭ الدىمەن, اۆتونومدى جىلىتۋ جٷيەسٸنە باسا نازار اۋدارىلدى, 4 ميلليوننان استام ازاماتقا نۇسقاۋ بەرٸلدٸ», - دەدٸ يۋ.يلين.
سونىمەن بٸرگە مينيستر تۇرعىنداردىڭ قىزمەتكەرلەردٸ جەكە ٷي اۋماعىنا كٸرگٸزبەيتٸنٸن اتاپ ٶتتٸ. 77,5 مىڭنان استام ٷيدٸڭ تۇرعىندارى تٷسٸندٸرمە جۇمىسىن جٷرگٸزەتٸن قاۋٸپسٸزدٸك قىزمەتكەرلەرٸن ٷيگە كٸرگٸزبەگەن.
