ۇلتتىق بانك تٶراعاسىنىڭ ورىنباسارى ەلييا مولدابەكوۆا تەڭگەنٸڭ ديناميكاسىنا الداعى ۋاقىتتا ەسەر ەتۋٸ مٷمكٸن نەگٸزگٸ فاكتورلاردى اتادى, دەپ حابارلايدى "ۇلت اقپارات".
سپيكەر تەڭگە سەرپٸنٸنە ەسەر ەتەتٸن ٷش نەگٸزگٸ فاكتوردى اتادى.
«بٸرٸنشٸدەن, بۇل مۇناي باعاسى - نەگٸزگٸ ەكسپورتتىق تاۋار جەنە ٸشكٸ ۆاليۋتا نارىعىنداعى ۇسىنىستى انىقتايتىن فاكتور. جوعارىدا ايتىلعانداي, مۇناي نارىعى قۇبىلمالى بولىپ قالا بەرەدٸ, ٶيتكەنٸ وپەك+ مٷشەلەرٸ ٶندٸرٸستٸ ۇلعايتۋ جەنە 2022 جىلعى سەۋٸردەن كەيٸن مەمٸلەنٸ ۇزارتۋ تۋرالى كەلٸسە المادى. كٶپتەگەن ساراپشىلاردىڭ پٸكٸرٸنشە كەلٸسسٶزدەر جالعاساتىن بولادى جەنە اليانس دەگەنمەن ىمىرالى شەشٸم تابادى.
ەكٸنشٸدەن, بۇل دامۋشى ەلدەردٸڭ ۆاليۋتالارىنا دەگەن جالپى نارىقتىق سەنتيمەنت. دامۋشى ەلدەرگە ينۆەستورلاردىڭ قىزىعۋشىلىعى كوروناۆيرۋسقا قاتىستى جاعدايدىڭ دامۋىنا جەنە اقش فەدەرالدىق رەزەرۆ جٷيەسٸنٸڭ مونەتارلىق ىنتالاندىرۋلارىن ازايتۋ جٶنٸندەگٸ ودان ەرٸ ٸس-قيمىلدارعا بايلانىستى قالىپتاسادى.
دامۋشى ەلدەردە, برازيلييادان رەسەيگە دەيٸن, يندونەزييادان جاپونيياعا دەيٸن, اگرەسسيۆتٸ دەلتا شتاممىنىڭ تارالۋىنا بايلانىستى تاعى بٸر COVID-19 ٶرشۋٸ بايقالادى. ەو مەن اقش-تان ۆاكتسينالاردىڭ ەكسپورتى الداعى ايلاردا وسى ەلدەردە ۆاكتسيناتسييانىڭ قاجەتتٸ دەڭگەيٸنە قول جەتكٸزۋگە بايلانىستى ايتارلىقتاي ٶسەدٸ, بۇل دامۋشى نارىقتار ٷشٸن ماڭىزدى فاكتور بولۋى مٷمكٸن. جاھاندىق ۆاكتسينالاردى جەتكٸزۋدٸڭ ٶسۋٸ دامۋشى ەلدەرگە 2021 جىلدىڭ ەكٸنشٸ جارتىجىلدىعىندا قورعانۋدىڭ جوعارى دەڭگەيٸنە قول جەتكٸزۋگە مٷمكٸندٸك بەرەدٸ, بۇل ەmerging Markets اكتيۆتەرٸنٸڭ تارتىمدىلىعىنىڭ ٶسۋٸنە قولداۋ كٶرسەتۋٸ مٷمكٸن.
سونىمەن بٸرگە, اقش فرج-نٸڭ ماكروەكونوميكالىق كٶرسەتكٸشتەرگە بايلانىستى مونەتارلىق ساياساتتى نەعۇرلىم تەز قاتايتۋ تۋرالى بەلگٸ بەرۋٸ اقش دوللارىنىڭ نىعايۋىنا الىپ كەلەدٸ. ساراپشىلاردىڭ پٸكٸرٸنشە, اكتيۆتەردٸ ساتىپ الۋدىڭ اي سايىنعى كٶلەمٸنٸڭ قىسقارۋى اقش-تاعى مٶلشەرلەمەلەردٸڭ ٶسۋٸنە جەنە دامۋشى ەلدەردەن كاپيتالدىڭ كەتۋٸنە ەكەلەدٸ.
ٷشٸنشٸدەن, بۇل ٸشكٸ فاكتورلار. ەكونوميكالىق بەلسەندٸلٸكتٸڭ ٷزدٸكسٸز قالپىنا كەلۋٸ جەنە فيسكالدىق ىنتالاندىرۋ شەتەل ۆاليۋتاسىنا سۇرانىستى قولدايدى. قازاقستانداعى ٸسكەرلٸك بەلسەندٸلٸك يندەكسٸ ٶسۋ ايماعىندا قالۋدا. بيىلعى جىلدىڭ ماۋسىمىندا يندەكس ٶنەركەسٸپتە 49,6-دان 50,4-كە دەيٸن, قىزمەت كٶرسەتۋ سەكتورىندا 52,3-تەن 52,7-گە دەيٸن جەنە قۇرىلىستا 47,5-تەن 47,6-عا دەيٸن قالپىنا كەلتٸرۋدٸڭ ارقاسىندا بيىلعى جىلدىڭ مامىرىنداعى 51,1-دەن 51,6 تارماققا دەيٸن ٶستٸ», - دەيدٸ ۇلتتىق بانك تٶراعاسىنىڭ ورىنباسارى ەلييا مولدابەكوۆا.
تۇتاستاي العاندا, ەلەمدٸك قارجى نارىقتارىندا پەرسپەكتيۆالاردىڭ تۇراقسىزدىعى مەن ەكٸۇشتىلىعى ساقتالىپ وتىرعانىنا قاراماستان, ەلەمدٸك قارجى ۇيىمدارىنىڭ جاڭارتىلعان بولجامدارى ايتارلىقتاي وپتيميستٸ.
ۇلتتىق بانك 2021 جىلدىڭ ەكٸنشٸ جارتىجىلدىعىندا جاھاندىق ٸجٶ-نٸڭ تەز ٶسۋٸن كٷتٸپ, بيىلعى جىلدىڭ 2-شٸ توقسانىندا ەۋروپا مەن ٷندٸستانداعى اۋرۋ تولقىنى مەن كارانتيندٸك شەكتەۋلەردەن كەيٸن ەكونوميكالىق بەلسەندٸلٸكتٸڭ جاندانۋىنا بايلانىستى ەلەمدٸك ەكونوميكانىڭ ٶسۋ پەرسپەكتيۆالارىنا وپتيميستٸك كٶزقاراسپەن قارايدى.
