ۇلتتىق تاۋار ٶتكٸزۋ جٷيەسٸن قۇرۋدى جىلدامداتۋ قاجەت. بۇل تۋرالى بٷگٸن ٷكٸمەت وتىرىسىندا قر پرەمەر-مينيسترٸ اسقار مامين ايتتى, دەپ حابارلايدى "ۇلت اقپارات".
«بەسەكەلەستٸكتٸ قورعاۋ اگەنتتٸگٸ ەربٸر تاۋار پوزيتسيياسى بويىنشا باعا بەلگٸلەۋ تٸزبەگٸن مۇقييات زەرتتەپ, نارىقتىڭ ٸرٸ قاتىسۋشىلارى اراسىندا ٶزارا كەلٸسۋگە جول بەرمەۋ ٷشٸن مونوپوليياعا قارسى ۋاقتىلى شارالار قابىلداسىن. ساۋدا, اۋىل شارۋاشىلىعى مينيسترلٸكتەرٸمەن, ەكٸمدٸكتەرمەن بٸرلەسٸپ, ەلەۋمەتتٸك ماڭىزى بار ٶنٸمدەردٸڭ بارلىق تٷرلەرٸ بويىنشا باعانىڭ نەگٸزسٸز ٶسۋٸنە جول بەرمەۋ ٷشٸن قاتاڭ باقىلاۋدى قامتاماسىز ەتۋدٸ تاپسىرامىن», - دەدٸ ٷكٸمەت باسشىسى.
اسقار مامين ساۋدا مينيسترلٸگٸنە ازىق-تٷلٸك باعاسىنىڭ ٶسۋٸنە ەسەر ەتەتٸن تاۋارلار مەن شيكٸزاتتىڭ ەكسپورتى مەن يمپورتىنا قاتىستى ساۋدا شارالارى بويىنشا ۇسىنىستار ەنگٸزۋدٸ تاپسىردى
«ۇلتتىق تاۋار ٶتكٸزۋ جٷيەسٸن, ونىڭ ٸشٸندە كٶتەرمە-تاراتۋ ورتالىقتارىن قۇرۋدى جىلدامداتۋ قاجەت. سونىمەن قاتار ساۋدا پروتسەسٸن تەزدەتٸپ تسيفرلاندىرۋ كەرەك», - دەدٸ پرەمەر-مينيستر.
