ۇلتتىق تابيعي پاركتەردە تۋريزمدٸ دامىتۋ ٷشٸن ينۆەستورلار ٸزدەستٸرٸلٸپ جاتىر. بۇل تۋرالى قر مەدەنيەت جەنە سپورت مينيسترلٸگٸ تۋريزم يندۋستريياسى كوميتەتٸنٸڭ تٶراعاسى داستان رىسبەكوۆ ايتتى, دەپ حابارلايدى قازاقپارات.
«ەكولوگييا مينيسترلٸگٸمەن بٸرلەسٸپ جٷزەگە اسىرىپ جاتقان تاعى بٸر باعىت - ۇلتتىق تابيعي پاركتەردە تۋريزمدٸ دامىتۋ. مەسەلەن, «ٸلە-الاتاۋى» مەملەكەتتٸك ۇلتتىق تابيعي پاركٸندە ەكولوگييالىق تۋريزمدٸ دامىتۋ ٷشٸن «قۇلتاۋ» جشس جەكە ينۆەستورى انىقتالدى. 7 ۆيزيت-ورتالىق, 156 شاقىرىم جاياۋ جٷرگٸنشٸ سوقپاعى, اۆتوكٶلٸكتەرگە ارنالعان 2 مىڭ تۇراق ورنى, گلەمپينگ, كەمپينگ, شامامەن 3 مىڭ ورىنعا ارنالعان پالاتالىق لاگەر سالۋ جوسپارلانعان. ينۆەستيتسييانىڭ جالپى كٶلەمٸ شامامەن 17,3 ملرد تەڭگەنٸ قۇرايدى», - دەدٸ داستان رىسبەكوۆ ورتالىق كوممۋنيكاتسييالار قىزمەتٸندەگٸ بريفينگ بارىسىندا.
ونىڭ ايتۋىنشا, مۇنان بٶلەك, «التىن ەمەل», «كٶلساي كٶلدەرٸ» جەنە «شارىن» مەملەكەتتٸك ۇلتتىق تابيعي پاركتەرٸن دامىتۋ بويىنشا جوسپار ەزٸرلەنگەن. بۇل پاركتەردٸ دە دامىتۋعا جەكە ينۆەستورلار تارتىلاتىن بولادى. قازٸرگٸ ۋاقىتتا ەلەۋەتتٸ ينۆەستورلاردى ٸزدەۋ جۇمىستارى جٷرگٸزٸلٸپ جاتىر.
«تاياۋ كەلەشەكتە دەل وسىنداي كونكۋرستىق پروتسەدۋرالاردى اتالعان ۇلتتىق تابيعي پاركتەرگە قاتىستى ٶتكٸزۋ جوسپارلانىپ وتىر», - دەدٸ ول.
