Ulttyq tabiǵi parkterde týrizmdi damytý úshin investorlar izdestirilip jatyr. Bul týraly QR Mádeniet jáne sport ministrligi Týrizm indýstriiasy komitetiniń tóraǵasy Dastan Rysbekov aitty, dep habarlaidy QazAqparat.
«Ekologiia ministrligimen birlesip júzege asyryp jatqan taǵy bir baǵyt - Ulttyq tabiǵi parkterde týrizmdi damytý. Máselen, «Ile-Alataýy» memlekettik ulttyq tabiǵi parkinde ekologiialyq týrizmdi damytý úshin «Qultaý» JShS jeke investory anyqtaldy. 7 vizit-ortalyq, 156 shaqyrym jaiaý júrginshi soqpaǵy, avtokólikterge arnalǵan 2 myń turaq orny, glemping, kemping, shamamen 3 myń orynǵa arnalǵan palatalyq lager salý josparlanǵan. Investitsiianyń jalpy kólemi shamamen 17,3 mlrd teńgeni quraidy», - dedi Dastan Rysbekov Ortalyq kommýnikatsiialar qyzmetindegi brifing barysynda.
Onyń aitýynsha, munan bólek, «Altyn Emel», «Kólsai kólderi» jáne «Sharyn» memlekettik ulttyq tabiǵi parkterin damytý boiynsha jospar ázirlengen. Bul parkterdi de damytýǵa jeke investorlar tartylatyn bolady. Qazirgi ýaqytta áleýetti investorlardy izdeý jumystary júrgizilip jatyr.
«Taiaý keleshekte dál osyndai konkýrstyq protsedýralardy atalǵan Ulttyq tabiǵi parkterge qatysty ótkizý josparlanyp otyr», - dedi ol.
