قازاقستاندا ۇلتتىق پاركتەردەگٸ زاڭبۇزۋشىلىقتار تۋرالى جەدەل جەلٸ ٸسكە قوسىلدى, دەپ حابارلايدى "ۇلت اقپارات".
ەندٸ كەز كەلگەن ازامات ۇلتتىق پاركتەگٸ جاعىمسىز ەرەكەتتەر, ونىڭ ٸشٸندە, اعاشتى زاڭسىز كەسۋ, زاڭسىز بالىق, اڭ اۋلاۋ, ەكو-بەكەتتەردە تٷبٸرتەك بەرۋدەن باس تارتۋ, پارك قىزمەتكەرٸنٸڭ جۇمىسىنداعى ولقىلىق جەنە باسقا دا زاڭبۇزۋشىلىقتار تۋرالى فوتو جەنە بەينە اقپارات بەرۋ ارقىلى تٸكەلەي حابارلاي الادى.
«قازٸردٸڭ ٶزٸندە بٸزگە ۇلتتىق پارك جۇمىسىنا شاعىمدانىپ, ەسكەرتۋ ايتىپ جاتقاندار بار. ەربٸر قوڭىراۋ بويىنشا تەكسەرٸس جٷرگٸزٸلٸپ, كەمشٸلٸك تٷزەتٸلەدٸ. مەسەلەن, بٸر حابارلاما بويىنشا جەدەل شارا قابىلدانىپ, زاڭبۇزۋشىلىق جويىلدى. ۇلتتىق پاركتەردەگٸ جاعدايدى بٸرگە ٶزگەرتەيٸك. تەك بٸرٸككەندە وزىق نەتيجەلەرگە قول جەتكٸزە الامىز!», - دەدٸ قر ەكولوگييا, گەولوگييا جەنە تابيعي رەسۋرستار مينيسترٸ ماعزۇم مىرزاعاليەۆ.
قر ەگترم ورمان شارۋاشىلىعى جەنە جانۋارلار دٷنيەسٸ كوميتەتٸ جەدەل جەلٸسٸنٸڭ نٶمٸرٸ: +7777 6785252.
جەدەل جەلٸ ۆاتسابىنا جولدانعان حابارلامادا شاعىم ايتۋشىنىڭ اتى-جٶنٸ, سونداي-اق, زاڭبۇزۋشىلىق كٶرٸنٸسٸنٸڭ سۋرەتٸ نەمەسە بەينەتٷسٸرٸلٸمٸ, ۇلتتىق پاركتٸڭ اتاۋى جەنە ورنالاسقان جەرٸ شامامەن كٶرسەتٸلەدٸ.
وسىلايشا, ەلدٸڭ ەربٸر تۇرعىنى ەلٸمٸزدٸڭ تابيعاتىن قورعاۋعا جەنە ونى ساقتاۋعا قاتىسىپ, تۇرعىندار اراسىندا جوعارى دەڭگەيدەگٸ تۋريستٸك مەدەنيەتتٸ قالىپتاستىرۋعا ىقپال ەتە الادى.
ەسكە سالساق, بۇدان بۇرىن قر پرەزيدەنتٸ قاسىم-جومارت توقاەۆ ازاماتتاردىڭ تابيعي دەمالىس ورىندارىنداعى جاپپاي مەدەنيەتسٸزدٸگٸ پروبلەماسىن كٶتەرگەن بولاتىن. ٶتكەن دەمالىستان باستاپ, ەكولوگييا مينيسترلٸگٸ قر ٸٸم قىزمەتكەرلەرٸمەن, قوعام بەلسەندٸلەرٸمەن بٸرلەسٸپ, ادامدار دەمالاتىن تابيعي جەنە ەرەكشە قورعالاتىن اۋماقتاردا رەيد ٶتكٸزٸلە باستادى. زاڭبۇزۋشىلىق ورىن العان جاعدايدا تٷسٸندٸرۋ جۇمىسى جٷرگٸزٸلٸپ, ايىپپۇل سالىنادى. بۇل باعىتتاعى جٷيەلٸ جۇمىس جالعاسىپ جاتىر.
بۇدان بۇرىن مينيسترلٸك ۇلتتىق پاركتەردە «شاشلىك تۋريزمٸ» بولمايتىنىن اتاپ ٶتكەن. ۇلتتىق پاركتەرگە كەلۋشٸلەردٸ مينيسترلٸك ەكوتۋريزمدٸ دامىتۋ, ونىڭ ٸشٸندە اياقجولدار مەن قاجەتتٸ ينفراقۇرىلىم سالۋ ارقىلى تارتپاق.
مينيسترلٸك قاراماعىنداعى مەملەكەتتٸك ۇلتتىق تابيعي پاركتەر تٸزٸمٸ:
1. ٸلە-الاتاۋ مۇتپ
2. «كٶلساي كٶلدەرٸ» مۇتپ
3. شارىن مۇتپ
4. «التىن-ەمەل» مۇتپ
5. «كٶكشەتاۋ» مۇتپ
6. باياناۋىل مۇتپ
7. قاتون-قاراعاي مۇتپ
8. سايرام-ٶگەم مۇتپ
9. «بۇيراتاۋ» مۇتپ
10. قارقارالى مۇتپ
11. جوڭعار-الاتاۋى مۇتپ
