فوتو: © Pixabay / Alexandr Podvalny
قارجى مينيسترلٸگٸنٸڭ بيۋدجەتتٸك كرەديتتەۋ, ۇلتتىق قور جەنە قارجى سەكتورى مەسەلەلەرٸ جٶنٸندەگٸ ٶزارا ٸس-قيمىل دەپارتامەنتٸنٸڭ ديرەكتورى ايبول ارعىنعازين ۇلتتىق قوردان بالاسىنا اقشا كٷتٸپ جٷرگەن اتا-انالارعا ٷندەۋ جاسادى, دەپ حابارلايدى Kazinform اگەنتتٸگٸ.
«ەڭ باستىسى, اتا-انالاردان ٶتٸنٸپ سۇرايتىنىمىز — بالالارىن جەكە قۇجاتتاندىرۋ مەسەلەسٸنە جٸتٸ نازار اۋدارىپ, سونى قاراسا. قانداي دا بٸر سەبەپپەن قۇجاتتارى بولماي جاتسا, سونى جاساتسا. تٸپتٸ قانداي دا بٸر ادامي فاكتورلاردىڭ سەبەبٸنەن ازاماتتاردىڭ مەلٸمەتٸ بازادان تٷسٸپ قالعان جاعداي بولسا, ونداي كٷننٸڭ ٶزٸندە دە بالا قاراجاتسىز قالمايدى. مىسالى بيىل مەلٸمەتتەر بازاسىندا بولماي قالسا, كەلەسٸ جىلى ٶتكەن جىلدىڭ جىلدىڭ تٶلەمٸ قوسا اۋدارىلىپ وتىرادى. ونداي مٷمكٸندٸك كٶزدەلگەن. سوندىقتان ەشبٸر بالا ۇلتتىق قور قاراجاتىنان شەت قالمايدى», — دەدٸ ايبول ارعىنعازينوۆ.
ونىڭ سٶزٸنشە, اتا-انالاردىڭ نەگٸزگٸ تەكسەرەتٸن ەكٸ كٶزٸ بولادى.
«بٸرٸنشٸسٸ — ەلەكتروندى ٷكٸمەت پورتالى. ەكٸنشٸسٸ — بٸرىڭعاي جيناقتاۋشى قورىنىڭ پورتالى. وسى ەكەۋٸنٸڭ دە موبيلدٸ قوسىمشاسىنان كٶرۋگە بولادى. مىسالى, بجزق-دا ول جەكە سەيكەستەندٸرۋ نٶمٸرٸن تەرۋ ارقىلى كٶرٸنەتٸن بولسا, ەلەكتروندى ٷكٸمەت پورتالىندا ەربٸر اتا-انانىڭ جەكە كابينەتٸندە كٶرٸنٸپ تۇرادى. قازٸرگٸ كەزدە پرواكتيۆتٸ قىزمەتتٸڭ تٷرٸ بار ەكەنٸن بٸلەسٸزدەر. وندا اتا-انانىڭ بٷكٸل بالالارى, ولاردىڭ قانداي مەكتەپكە باراتىنى, بالاباقشاداعى كەزەگٸ, دەنساۋلىعى تۋرالى بارلىق مەلٸمەتتەر شوعىرلاندىرىلعان. سونىڭ ٸشٸندە قوسىمشا ۇلتتىق قوردان جاسالاتىن تٶلەۋ تۋرالى مەلٸمەتتە بولادى. بۇل ينتەگراتسييا قازٸر كٶزدەلگەن. جاڭا جىلدان باستاپ كٶرۋگە, تەكسەرۋگە بولادى», — دەدٸ مينيسترلٸك ٶكٸلٸ.
