قارجى مينيسترٸ ەرۇلان جاماۋباەۆ ۇلتتىق قوردىڭ قازٸرگٸ جاعدايى تۋرالى باياندادى, دەپ حابارلايدى "ۇلت اقپارات".
«بيۋدجەتتٸك پروتسەستٸڭ ماڭىزدى كومپونەنتٸ – ول ۇلتتىق قور. بيىلعى 1 ماۋسىمداعى جاعداي بويىنشا ونىڭ اكتيۆٸ 27,6 ترلن تەڭگەنٸ قۇرادى, ونىڭ ٸشٸندە ۆاليۋتالىق پورتفەل 58,5 ملرد دوللار. اتاپ ايتقاندا, 2020 جىلدىڭ قورىتىندىسى بويىنشا ۇلتتىق قور 744 ملرد تەڭگەگە ٶستٸ», - دەدٸ ە. جاماۋباەۆ حالىق الدىندا ەسەپ بەرۋٸ كەزٸندە.
ونىڭ ايتۋىنشا, مينيسترلٸك تاراپىنان قوردىڭ جيناق قىزمەتٸن كٷشەيتۋگە باعىتتالعان جٷيەلٸ جۇمىستار جٷرگٸزٸلٸپ جاتىر.
«وسى ورايدا ۇلتتىق قوردان كەپٸلدٸ ترانسفەرت كٶلەمٸن بٸرتٸندەپ قىسقارتۋ بويىنشا بيۋدجەت كودەكسٸنە تٷزەتۋلەر ەنگٸزٸلدٸ. بۇل قادامدار ۇلتتىق قور اكتيۆتەرٸنٸڭ جيناقتالۋىنا ىقپال ەتٸپ, مۇنايلى ەمەس تاپشىلىقتى بٸرتٸندەپ تٶمەندەتۋگە مٷمكٸندٸك بەرەدٸ», - دەدٸ مينيستر.
