فوتو: جٸبەك نۇراحمەت/altainews.kz
بٷگٸن – ۇلتتىق كيٸم كٷنٸ. ناۋرىزناما اياسىنداعى ۇلتتىق كيٸم كٷنٸ – دەستٷردٸ دەرٸپتەۋمەن قاتار, ونى قازٸرگٸ ٶمٸرمەن ساباقتاستىراتىن ماڭىزدى باستاما. بۇل كٷن ۇلتتىق بٸرەگەيلٸكتٸ ساقتاۋدىڭ جاڭا تەتٸگٸنە اينالىپ كەلەدٸ, دەپ حابارلايدى Ult.kz.
قازاق ٷشٸن كيٸم – جاي عانا تۇرمىستىق زات ەمەس, ول ۇلتتىڭ بولمىسىن تانىتاتىن رۋحاني كود. ەربٸر ويۋ, تٷس پەن پٸشٸن حالىقتىڭ دٷنيەتانىمىن, تاريحى مەن مەدەنيەتٸن بەينەلەيدٸ. سوندىقتان ۇلتتىق كيٸم – «تٸلسٸز تاريح», ٶتكەننٸڭ ايناسى.
كٶشپەلٸ ٶمٸر سالتىنا بەيٸمدەلگەن قازاق كيٸمدەرٸ كەڭدٸگٸمەن, ىڭعايلىلىعىمەن ەرەكشەلەنەدٸ. ال ونىڭ كٶركەمدٸك سيپاتى تابيعاتپەن ٷيلەسٸم مەن ەركٸندٸكتٸ اڭعارتادى.
بٷگٸندە جاھاندانۋ جاعدايىندا ۇلتتىق كيٸمنٸڭ مەنٸ ارتا تٷستٸ. ول – تٶل مەدەنيەتتٸ ساقتاۋدىڭ, تامىردان اجىراماۋدىڭ سيمۆولى. ۇلتتىق كيٸم كٷنٸ وسى قۇندىلىقتاردى قايتا جاڭعىرتىپ, جاڭا بۋىنعا ناسيحاتتاۋعا جول اشادى.
ايتا كەتەيٸك, كەشە شاڭىراق كٷنٸ بولعان.
