Foto: Jibek Nurahmet/altainews.kz
Búgin – Ulttyq kiim kúni. Naýryznama aiasyndaǵy Ulttyq kiim kúni – dástúrdi dáripteýmen qatar, ony qazirgi ómirmen sabaqtastyratyn mańyzdy bastama. Bul kún ulttyq biregeilikti saqtaýdyń jańa tetigine ainalyp keledi, dep habarlaidy Ult.kz.
Qazaq úshin kiim – jai ǵana turmystyq zat emes, ol ulttyń bolmysyn tanytatyn rýhani kod. Árbir oiý, tús pen pishin halyqtyń dúnietanymyn, tarihy men mádenietin beineleidi. Sondyqtan ulttyq kiim – «tilsiz tarih», ótkenniń ainasy.
Kóshpeli ómir saltyna beiimdelgen qazaq kiimderi keńdigimen, yńǵailylyǵymen erekshelenedi. Al onyń kórkemdik sipaty tabiǵatpen úilesim men erkindikti ańǵartady.
Búginde jahandaný jaǵdaiynda ulttyq kiimniń máni arta tústi. Ol – tól mádenietti saqtaýdyń, tamyrdan ajyramaýdyń simvoly. Ulttyq kiim kúni osy qundylyqtardy qaita jańǵyrtyp, jańa býynǵa nasihattaýǵa jol ashady.
Aita keteiik, keshe Shańyraq kúni bolǵan.
