ۇلتتىق گەولوگييالىق قىزمەت قۇرىلادى. بۇل تۋرالى ٷكٸمەت وتىرىسىندا قر ەكولوگييا, گەولوگييا جەنە تابيعي رەسۋرستار مينيسترٸ ماعزۇم مىرزاعاليەۆ ايتتى, دەپ حابارلايدى قازاقپارات.
«قازاقستان بٸرەگەي مينەرالدى شيكٸزات بازاسىنا يە. بٷگٸنگٸ تاڭدا, مينەرالدى شيكٸزات بازاسى دامىعان ەلدەر گەولوگييا مەن جەر قويناۋىن پايدالانۋعا ينۆەستيتسييا تارتۋ ٷشٸن جاعداي جاساۋدا. بۇل باعىتتا بەلسەندٸ جۇمىس جٷرگٸزۋدە. ينۆەستيتسييا تارتۋدىڭ نەگٸزٸ دەپ جوعارى ساپالى گەولوگييالىق اقپاراتتى ايتا الامىز. وسىعان بايلانىستى, ۇلتتىق گەولوگييالىق قىزمەت قۇرىلاتىن بولادى», - دەدٸ مينيستر.
ماعزۇم مىرزاعاليەۆتٸڭ اتاپ ٶتۋٸنشە, اتالعان قىزمەت «بٸرىڭعاي تەرەزە» قاعيداتى نەگٸزٸندە جۇمىس جاسايدى.
ونىڭ نەتيجەسٸندە ينۆەستور زاماناۋي فورماتتاعى جەر قويناۋىنىڭ ٷش ٶلشەمدٸ مودەلٸ قۇرىلعان ساپالى اقپاراتپەن قامتاماسىز ەتٸلەدٸ. سونىمەن قاتار, ٸرگەلٸ, قولدانبالى عىلىم مەن ٶندٸرٸس كٷشٸن بٸرٸكتٸرۋگە مٷمكٸندٸك الادى», - دەدٸ ول.
