قازاقستاندىق مۇعالٸمدەر تامىز ايىنا دەيٸن ۇلتتىق بٸلٸكتٸلٸك تەستٸن تاپسىرىپ ٷلگەرمەي قالۋ قاۋپٸ بار. بۇل تۋرالى ۇلتتىق تەستٸلەۋ ورتالىعىنىڭ ديرەكتورى ديدار سماعۇلوۆ ايتتى, دەپ حابارلايدى قازاقپارات.
«مۇعالٸمدەر ۇلتتىق بٸلٸكتٸلٸك تەست تاپسىراتىن كٷندەرٸن جيٸ اۋىستىرادى. ٶزدەرٸڭٸز بٸلەسٸزدەر, مۇعالٸمدەر تەست تاپسىراتىن كٷندٸ ٶزدەرٸ بەلگٸلەيدٸ جەنە ۋاقىتى كەلگەندە تەستٸلەۋگە كەلمەيدٸ. تەك شىمكەنت قالاسىنان جٷزدەگەن ٶتٸنٸش تٷستٸ. ولار تەستٸلەۋگە كەلمەگەندٸكتەن, قايتا ٶتٸنٸش بەرٸپ, جازىلادى», - دەدٸ ديدار سماعۇلوۆ بٸلٸم جەنە عىلىم مينيسترلٸگٸنٸڭ ونلاين فورماتتا ٶتكەن اپپارات جينالىسىندا.
ونىڭ اتاپ ٶتۋٸنشە, مۇنداي جايت كٶپتەگەن مۇعالٸمنٸڭ تەست تاپسىرۋعا جازىلۋىنا كەدەرگٸ كەلتٸرەدٸ. ٶيتكەنٸ, تەست تاپسىراتىن اۋديتورييالاردا ورىن از.
«پاندەميياعا بايلانىستى ەر پۋنكتە وتىراتىن ورىن سانىن 50 پايىزعا دەيٸن قىسقارتتىق. ەندٸ اۋديتورييادا 75 ادامنان كٶپ وتىرمايدى. بٸراق, مۇعالٸمدەر تەستٸلەۋگە جازىلعانىمەن, كەلمەي قالادى. مٷمكٸندٸك بولسا, مۇعالٸمدەر جاۋاپكەرشٸلٸگٸن ارتتىرۋى كەرەك. جازىلعان كٷنٸندە كەلٸپ, تەست تاپسىرسا جاقسى بولار ەدٸ. ٶيتكەنٸ, ولار باسقا مۇعالٸمدەردٸڭ ورنىن الادى جەنە بارلىق پەداگوگتار تامىزعا دەيٸن ۇلتتىق بٸلٸكتٸلٸك تەستٸنەن ٶتە الماي قالۋى مٷمكٸن», - دەدٸ ورتالىق ديرەكتورى.
