Qazaqstandyq muǵalimder tamyz aiyna deiin Ulttyq biliktilik testin tapsyryp úlgermei qalý qaýpi bar. Bul týraly Ulttyq testileý ortalyǵynyń direktory Didar Smaǵulov aitty, dep habarlaidy QazAqparat.
«Muǵalimder Ulttyq biliktilik test tapsyratyn kúnderin jii aýystyrady. Ózderińiz bilesizder, muǵalimder test tapsyratyn kúndi ózderi belgileidi jáne ýaqyty kelgende testileýge kelmeidi. Tek Shymkent qalasynan júzdegen ótinish tústi. Olar testileýge kelmegendikten, qaita ótinish berip, jazylady», - dedi Didar Smaǵulov Bilim jáne ǵylym ministrliginiń onlain formatta ótken apparat jinalysynda.
Onyń atap ótýinshe, mundai jait kóptegen muǵalimniń test tapsyrýǵa jazylýyna kedergi keltiredi. Óitkeni, test tapsyratyn aýditoriialarda oryn az.
«Pandemiiaǵa bailanysty ár pýnkte otyratyn oryn sanyn 50 paiyzǵa deiin qysqarttyq. Endi aýditoriiada 75 adamnan kóp otyrmaidy. Biraq, muǵalimder testileýge jazylǵanymen, kelmei qalady. Múmkindik bolsa, muǵalimder jaýapkershiligin arttyrýy kerek. Jazylǵan kúninde kelip, test tapsyrsa jaqsy bolar edi. Óitkeni, olar basqa muǵalimderdiń ornyn alady jáne barlyq pedagogtar tamyzǵa deiin Ulttyq biliktilik testinen óte almai qalýy múmkin», - dedi ortalyq direktory.
