ۇلتتىق بانك تٶراعاسىنىڭ ورىنباسارى مەدينا ەبٸلقاسىموۆا ۆاليۋتالىق نارىقتاعى احۋالدى تٷسٸندٸردٸ, دەپ حابارلايدى قازاقپارات.
«مۇناي نارىعى ٸشكٸ ۆاليۋتا نارىعىنداعى جاعدايعا قىسىم كٶرسەتٸپ كەلەدٸ. وسى جىلدىڭ قىركٷيەك-قازان ارالىعىندا مۇناي باعاسى 57,7 اقش دوللارىنان 69 اقش دوللارىنا دەيٸن ٶزگەردٸ. وسى كەزەڭدە تەڭگەنٸڭ اقش دوللارىنا شاققانداعى باعامى 385,27 تەڭگەدەن 390,12 تەڭگەگە دەيٸن جەتتٸ», - دەدٸ مەدينا ەبٸلقاسىموۆا پارلامەنت سەناتىنىڭ قارجى جەنە بيۋدجەت كوميتەتٸنٸڭ وتىرىسىنداعى «2020-2022 جىلدارعا ارنالعان رەسپۋبليكالىق بيۋدجەت تۋرالى» زاڭ جوباسىنىڭ تانىستىرىلىمىندا.
ونىڭ ايتۋىنشا, بانكتەردٸڭ ۆاليۋتالىق سۆوپتى ٶتەۋ جەنە كليەنتتەردٸڭ ۆاليۋتاداعى شوتتارىنىڭ شەتەلگە كەتۋٸنەن ۇلتتىق بانكتٸڭ التىن-ۆاليۋتا رەزەرۆٸ 6,8 پايىزعا نەمەسە 2,1 ملرد دوللارعا تٶمەندەپ, 28,8 ملرد دوللاردى قۇراعان.
«ۇلتتىق قوردىڭ 59,4 ملرد اقش دوللارلىق اكتيۆٸن قوسا العاندا جالپى حالىقارالىق رەزەرۆتەر 88,2 ملرد دوللارعا تەڭ بولدى. وسى جىلدىڭ ٸ جارتىجىلدىعىنىڭ نەتيجەسٸ بويىنشا تٶلەم بالانسىنىڭ اعىمداعى وپەراتسييالار شوتى 1,9 ملرد دوللارلىق دەفيتسيتپەن قالىپتاستى. 2018 جىلدىڭ ٸ جارتىجىلدىعىمەن سالىستىرعاندا تاۋار ەكسپورتى 0,8 پايىزعا ٶسٸپ, 28,6 ملرد دوللارعا جەتتٸ. تاۋار يمپورتى ينۆەستيتسييالىق جەنە ازىق-تٷلٸككە جاتپايتىن تاۋارلارعا سۇرانىستىڭ ۇلعايۋى نەتيجەسٸندە 7,2 پايىزعا ٶسٸپ, 17,2 ملرد اقش دوللارىنا تەڭەستٸ», - دەدٸ مەدينا ەبٸلقاسىموۆا.
ەسكە سالا كەتسەك, پارلامەنت سەناتىنىڭ بٷگٸنگٸ وتىرىسىندا مەدينا ەبٸلقاسىموۆا ينفلياتسييا دەڭگەيٸن 2020-2021 جىلدارى - 4-6 پايىز, 2022 جىلدان باستاپ 3-5 پايىز دەلٸزٸندە ساقتاۋ كٶزدەلٸپ وتىرعانىن مەلٸم ەتكەن ەدٸ.
