فۋتبولدان UEFA ۇلتتار ليگاسى بەسٸنشٸ تۋرىنىڭ ەكٸنشٸ ويىن كٷنٸ ٶتتٸ. بۇل تۋرالى ULT.KZ, kaz.inform.kz كە سٸلتەمە جاساپ حابارلادى.
فوتو: sports.kz
ەكٸنشٸ ويىن كٷنٸندە ا ليگاسى بٸرٸنشٸ توبىندا سىنعا تٷسٸپ جاتقان پورتۋگالييا ٶز الاڭىندا پولشانى 5:1 ەسەبٸمەن تاس-تالقان ەتٸپ جەڭدٸ. كەزدەسۋ بارىسىندا كريشتيانۋ رونالدۋ 72, 87-مينۋتتا قوس گولدىڭ اۆتورى اتاندى. سونداي-اق رافاەل لەاۋ 59, برۋنۋ فەرناندەش 80, پەدرۋ نەتۋ 83-مينۋتتا مەرگەندٸك تانىتتى. وعان پولشالىق فۋتبولشىلار نەبەرٸ بٸر گولمەن جاۋاپ قايىردى.
اتالعان توپتا شوتلاندييا قۇراماسى حورۆاتييانى 1:0 ەسەبٸمەن جەڭدٸ.
ال ا ليگاسى تٶرتٸنشٸ توپتا دانييا يسپانيياعا 1:2 ەسەبٸمەن جول بەرسە, شۆەيتسارييا مەن سەربييا 1:1 ەسەبٸنە قاناعات بٸلدٸردٸ.
سونداي-اق س ليگاسى ەكٸنشٸ توبىندا كيپر ليتۆانى 2:1 ەسەبٸمەن جەڭسە, رۋمىنييا مەن كوسوۆو كەزدەسۋٸ بٸرٸنشٸ كەزەڭنەن كەيٸن توقتاتىلدى.
س ليگاسى ٷشٸنشٸ توبىندا سولتٷستٸك يرلاندييا بەلارۋستٸ 2:0 ەسەبٸمەن تٸزە بٷكتٸرسە, ليۋكسەمبۋرگ بولگاريياعا 1:2 ەسەبٸمەن جەڭٸلٸپ قالدى.
D ليگاسى بٸرٸنشٸ توبىنداعى سان-مارينو مەن گيبرالتار 1:1 ەسەبٸمەن تەڭ تٷستٸ.
ەسكە سالساق, اتالعان تۋرنيردٸڭ ۆ ليگاسى ٷشٸنشٸ توبىندا وينايتىن قازاقستان قۇراماسى اۋسترييادان جەڭٸلٸپ قالدى.
بٷگٸن ۇلتتار ليگاسىندا بەسٸنشٸ تۋردىڭ ٷشٸنشٸ ويىن كٷنٸ جالعاسادى.
