بٷگٸن UEFA ۇلتتار ليگاسىنداعى العاشقى ويىنىندا قازاقستان قۇراماسى سىرت الاڭدا ليتۆادان باسىم تٷستٸ, دەپ حابارلايدى "ۇلت اقپارات".
ەستەرٸڭٸزگە سالا كەتەلٸك, قازاقستاندىق قۇراما س ليگاسىنىڭ تٶرتٸنشٸ توبىندا وينايدى. قارسىلاستارى - البانييا, بەلارۋس جەنە ليتۆا قۇرامالارى.
ليتۆا قۇراماسى ساپىنداعى فۋتبولشىلاردىڭ باسىم بٶلٸگٸ ٶز ەلٸنٸڭ چەمپيوناتىندا وينايدى. سونداي-اق, بولگارييا, يزرايل, يتالييا, لاتۆييا, پولشا, سەربييا, ەستونييا, حورۆاتييا چەمپيوناتتارىندا باق سىناپ جٷرگەن فۋتبولشىلار بار. ال ٷش فۋتبولشى قازاقستان پرەمەر-ليگاسىندا ويىن كٶرسەتەدٸ. اتاپ ايتقاندا, پەتروپاۆلدىڭ «قىزىلجارىندا» ۆيتاۋتاس اندريۋشكياۆيچيۋس, تالدىقورعاننىڭ «جەتٸسۋىندا» ارتۋراس جۋلپا, جامبىل وبلىسىنىڭ «تارازىندا» وۆيدييۋس ۆەربيتسكاس بار.
كەزدەسۋ قازاقستان قۇراماسى ٷشٸن سەتتٸ باستالدى دەۋگە بولادى. العاشقى مينۋتتاردا ولار الدىڭعى شەپتە جيٸ بوي كٶرسەتتٸ. وسىنداي سەتتەردٸڭ بٸرٸندە قارسىلاستار قاقپاسىنان ساڭىلاۋ تاپتى. باكتيەر زاينۋتدينوۆ 3-مينۋتتا گول سوعىپ كەتتٸ.
ەكٸنشٸ كەزەڭدە قازاقستاندىق قۇراما نەگٸزٸنەن قورعانىسقا كٶبٸرەك كٶڭٸل بٶلدٸ. الاڭ يەلەرٸ گول سوعاتىن مٷمكٸندٸكتەردٸ ٸزدەدٸ. دەگەنمەن ولار 86-مينۋتتا ٶزدەرٸنٸڭ قاقپاسىنا تاعى بٸر گول جٸبەرٸپ الدى. ونى قازاقستاندىق جارتىلاي قورعاۋشى يسلامبەك قۋات ٶزٸنٸڭ ەنشٸسٸنە جازدى. وسىلايشا قازاقستان قۇراماسى قارسىلاسىنان 2:0 ەسەبٸمەن باسىم تٷستٸ.
ەكٸ قۇراما بۇعان دەيٸن بٸر مەرتە عانا كەزدەستٸ. 2014 جىلدىڭ 5 ناۋرىزىندا تٷركييانىڭ انتاليا قالاسىندا ٶتكەن جولداستىق كەزدەسۋدە ەكەۋٸ 1:1 ەسەبٸنە قاناعات بٸلدٸرٸپ تارقاستى. سول سەبەپتٸ بٷگٸنگٸ ويىن تۇڭعىش رەسمي كەزدەسۋ سانالادى.
بٷگٸن تٶرتٸنشٸ توپتا تاعى بٸر ويىن ٶتكٸزەدٸ. بەلارۋس قۇراماسى ٶز الاڭىندا البانييانى قابىلدايدى.
