شيكٸزاتقا تەۋەلدٸ بولۋدىڭ سالدارىنان قازاقستاندىقتار ەڭبەك بەسەكەسٸنە شىداي المايتىن بولدى. بۇل تۋرالى مەملەكەت باسشىسى قاسىم-جومارت توقاەۆ «QAZAQSTAN» تەلەارناسىنا بەرگەن سۇحباتىندا ايتتى, دەپ حابارلايدى قازاقپارات.
«الدىڭعى سۇحباتىڭىزدا سٸز ەلٸمٸزدە كادر تاپشىلىعى بار ەكەنٸن ايتتىڭىز. شىن مەنٸندە, كٶپتەگەن بٸلٸكتٸ ماماندارىمىز شەتەلدە جٷر. بٸلٸم قۋىپ, كەسٸپ ٸزدەپ كەتكەندەر دە بار. شەتەلدەگٸ وتانداستارىمىزدى قازاقستانعا شاقىرۋ ويىڭىزدا بار ما? جالپى بۇل ٸسكە اسۋى مٷمكٸن دٷنيە مە?», - دەپ سۇراق قويدى جۋرناليست جاينا سلامبەك.
«راسىندا شەتەلدە جٷرگەن بٸلٸكتٸ ماماندارىمىز از ەمەس. بۇل ٷشٸن ەشكٸمدٸ ايىپتاۋعا بولمايدى. قازٸر – جاھاندانۋ زامانى. ادام قاي جەردە سۇرانىسقا يە بولسا, سول جەرگە بارىپ جۇمىس ٸستەۋگە قاقى بار. وعان ەشكٸم كەدەرگٸ جاسامايدى. بٸز ٶز سالاسىندا تابىسقا جەتكەن ازاماتتاردى بۇعان دەيٸن دە شاقىرعانبىز. ەلگە قايتىپ كەلگەن وتانداستارىمىز دا بار. بٸراق, شىندىعىن ايتۋىمىز كەرەك, ەلٸمٸزگە بٸلٸمٸ جوعارى, پاراساتتى ادامدار كەرەك. جالپى, ادامي كاپيتال جوعارى بولۋى قاجەت. جالپاق تٸلمەن ايتساق, وتانىمىزعا كەلگەن ادامداردىڭ ساپاسى نەعۇرلىم جوعارى بولسا, ەلٸمٸزگە سوعۇرلىم تيٸمدٸ بولادى», - دەدٸ قاسىم-جومارت توقاەۆ.
پرەزيدەنت بەرٸ ەڭبەكقورلىقتىڭ, بٸلٸكتٸلٸكتٸڭ يدەولوگيياسىن كٶتەرۋٸ كەرەكتٸگٸن اتاپ ٶتتٸ. ۇلتىمىز دٷنيە جٷزٸندە, ەڭ الدىمەن, ەڭبەكقور, جۇمىسقا ادال ۇلت رەتٸندە مويىندالاتىن بولسا, بۇل ەكونوميكامىزعا وڭ ەسەر ەتەدٸ.
«ماسىلدىقتان, جالقاۋلىقتان الشاق بولۋىمىز قاجەت. سوندا عانا جاڭا قازاقستان تۇجىرىمداماسى ٸسكە اسادى. مەنٸڭشە, بٸز بۇرىن ٷلكەن يدەولوگييالىق قاتەلٸك جٸبەردٸك. شەتەلگە, ياعني ورتا ازييادان رەسەيگە كەتكەن جۇمىسشىلارعا كٷلٸپ, «قاراڭىزدار, ولار قارا جۇمىسپەن اينالىسۋعا مەجبٷر بولدى, ال بٸزگە كەلگەندە, بٸردە-بٸر قازاق شەتەلدە جۇمىس ٸستەمەيدٸ, جايباراقات جٷرمٸز» دەپ قاتتى ماقتاندىق. كەز كەلگەن ەڭبەكتٸ جوعارى باعالاۋ قاجەت, سولاي ەمەس پە? بٷگٸنگٸ كٷنٸ ورتا ازيياداعى جۇمىسشىلار رەسەيدە ەڭبەك ەتٸپ, كٷن كٶرٸپ جاتىر. ال, بٸزدٸكٸلەر ەڭبەك بەسەكەسٸنە شىداي المايتىن بولدى. ٶكٸنٸشكە قاراي, بۇل - «سىرەۆوە پروكلياتە», ياعني «شيكٸزاتقا تەۋەلدٸ بولۋدىڭ» سالدارى», - دەدٸ مەملەكەت باسشىسى.
