«ٷلكەن ەۋرازييا» مەگا-جوباسى جان-جاقتى زەرتتەۋدٸ قاجەت ەتەدٸ. بۇل تۋرالى ەۋرازييالىق ەكونوميكالىق فورۋمىنىڭ جالپى وتىرىسىندا قر پرەزيدەنتٸ قاسىم-جومارت توقاەۆ ايتتى, دەپ حابارلايدى قازاقپارات.
«ۆلاديمير ۆلاديميروۆيچ پۋتين (رەسەي فەدەراتسيياسىنىڭ پرەزيدەنتٸ – اۆت.) ٶتە قىزىق ۇسىنىستى ايتىپ, ونى تيٸستٸ تٷردە تۇجىرىمداپ ٶتتٸ. بۇل تۇرعىدا «ٷلكەن ەۋرازييا» مەگا-جوباسى ەسكەرٸلٸپ وتىر. شىن مەنٸندە, بۇل جوبا تىڭعىلىقتى زەرتتەۋ مەن تالقىلاۋعا لايىق بولىپ تۇر», - دەدٸ قاسىم-جومارت توقاەۆ.
وسى ورايدا پرەزيدەنت الداعى ۋاقىتتا بۇل ۇسىنىستى جٷزەگە اسىرۋعا قاتىستى تالقىلاۋ بولۋى مٷمكٸن ەكەنٸن ايتتى.
«سونىمەن قاتار رەسەي پرەزيدەنتٸ تاراپىنان ينتەگراتسييا پروتسەسٸنە باسقا دا مٷددەلٸ ەلدەردٸ قوسۋ تۋرالى ورىندى ۇسىنىسى ايتىلدى. بۇل رەتتە قىتايدىڭ «بٸر بەلدەۋ – بٸر جول» جوباسى تۋرالى, سونداي-اق ەۋرازييا كەڭٸستٸگٸندەگٸ ينتەگراتسييا پروتسەستەرٸنە قوسىلۋعا قىزىعۋشىلىق تانىتقان باسقا ەلدەردٸ دە ايتا الامىز», - دەدٸ مەملەكەت باسشىسى.
مۇنىمەن قوسا قازاقستان پرەزيدەنتٸ قارجىلىق مەسەلەلەرگە دە توقتالىپ ٶتتٸ.
«قارجىلىق ٶزارا قارىم-قاتىنىستارعا بايلانىستى كٷردەلٸ مەسەلەگە قاتىستى توقتالساق, بۇل تاقىرىپ بويىنشا جاقىندا ۆلاديمير ۆلاديميروۆيچ پۋتينمەن تىڭعىلىقتى كەلٸسسٶزدەر بولدى. وسى ورايدا تيٸستٸ ۋاعداستىقتارعا كەلٸپ, قازاقستان ٷكٸمەتٸ تاراپىنان قاجەت شارالار قابىلداندى. سوندىقتان بۇل باعىتا پروبلەما جوق دەپ سانايمىن. بۇل جاعدايدا بٸر-بٸرٸمەن جاقىن ورنالاسقان رەسەي مەن قازاقستان سيياقتى مەملەكەتتەر تيٸستٸ شەشٸمدەردٸ تابا الادى جەنە الداعى ۋاقىتتا دا لايىقتى شەشٸمدٸ جاساۋى كەرەك», - دەدٸ قاسىم-جومارت توقاەۆ.
