الماتىدا ٷلكەن الماتى ٶزەنٸنٸڭ قىزىل تٷسكە بويالۋىن قۇزىرلى ورگاندار تٷسٸندٸرە الماي وتىر, دەپ حابارلايدى قازاقپارات.
«قازگيدرومەت» رمك قىزىل تٷسكە بويالعان ٷلكەن الماتى ٶزەنٸ سۋىن زەرتتەۋ قورىتىندىسىن جارييالادى. زەرتحانا ماماندارى قالالىق ەكولوگييا دەپارتامەنتٸنٸڭ ٶكٸلدەرٸمەن بٸرلەسە وتىرىپ ٶزەن سۋىنان سىناما العان بولاتىن.
سۋ ٶزەننٸڭ باستالعان تۇسى - المااراسان اڭعارىنان, ورتا تۇسى - ق.سەتباەۆ كٶشەسٸنٸڭ بويىنان, تٶمەنگٸ تۇسى - ت.رىسقۇلوۆ داڭعىلى ماڭىنان الىنعان بولاتىن. جەلٸدە تارالعان ۆيدەو ٶزەننٸڭ ورتا تۇسىندا - سەتباەۆ كٶشەسٸنٸڭ ماڭىندا تٷسٸرٸلگەن بولاتىن.
«سۋدىڭ يٸسٸ جوق بولاتىن. اناليز بارىسىندا تٷسٸ ٶزگەرگەن جوق. نەگٸزگٸ كٶرسەتكٸشتەر سۋدىڭ تەمپەراتۋراسى, وتتەكتٸك قۇرامى, تٷسٸ, مٶلدٸرلٸگٸ قالىپتى», - دەدٸ «قازگيدرومەت» رمك الماتى بٶلٸمشەسٸنٸڭ حيمييالىق تالداۋ بٶلٸمٸنٸڭ باسشىسى ايجان نٷكەنوۆا.
ونىڭ ايتۋىنشا, المااراسان اڭعارىندا ەشقانداي زيياندى زاتتاردىڭ كٶرسەتكٸشتەن جوعارىلاۋى اڭعارىلماعان. ال, سەتباەۆ كٶشەسٸنٸڭ تۇسىندا تەمٸردٸڭ كٶرسەتكٸشٸ رۇقسات ەتٸلگەن شەكتٸ كٶرسەتكٸشتەن 1,4 جوعارى بولعانى بەلگٸلٸ بولدى. «ال رىسقۇلوۆ كٶشەسٸ ماڭىندا الىنعان سۋدان نيتريتتٸ ازوت رۇقسات ەتٸلگەن شەكتٸ كٶرسەتكٸشتەن 1,5, تەمٸر - 2,8, مىس - 1,2, مارگانەتس - 1,6 كٶرسەتكٸشكە ارتىق ەكەنٸ انىقتالدى.
سۋدان اممونيي تۇزى, فوسفات, كاربونات, مۇناي قالدىقتارى تابىلعان جوق. بٸراق, بۇل ەدەتتەگٸ الماتى ٶزەنٸنٸڭ تالداۋىنا ۇقسايدى. جوعارىدا ايتىلعاندار سۋدى قىزىل تٷسكە بويادى دەپ ناقتى ايتا المايمىن», - دەدٸ ايجان نٷكەنوۆا.
قالالىق ەكولوگييا دەپارتامەنتٸ دە سۋدىڭ اشىق قىزى تٷسكە بويالۋىنا نە ەسەر ەتكەنٸن ناقتى ايتا الماي وتىر. قالالىق قوعام دەنساۋلىعىن قورعاۋ دەپارتامەنتٸنٸڭ باسشىسى ايزات مولداقاسىموۆا دا سۋ سىناماسىندا زيياندى توكسيندٸ زاتتار تابىلماعانىن ايتتى.
ايتا كەتۋ كەرەك,ٷلكەن الماتى ٶزەنٸنٸڭ قىزىل تٷسكە بويالعانى تۇرعىنداردى تاڭ قالدىردى. اتالعان ۆيدەو ەلەۋمەتتٸك جەلٸ ارقىلى تاراپ كەتكەن بولاتىن.
