قالا باسشىسى الەكساندر سەنكەۆيچتٸڭ مەلٸمەتٸنشە, رەسەي ەسكەرٸ 11 قاراشاعا قاراعان تٷنٸ تۇرعىن ٷي ورنالاسقان اۋماقتى زىمىرانمەن اتقىلاعان. بٸر زىمىران بەس قاباتتى ٷيگە تٷسكەن.
"بەسٸنشٸدەن بٸرٸنشٸ قاباتقا دەيٸن قيراپ قالدى", – دەپ جازدى سەنكەۆيچ تەلەگرام-ارناسىندا. ونىڭ ايتۋىنشا, كەم دەگەندە ەكٸ ادام ٶلگەن, تاعى ەكٸ ادام جارالانعان.
مەلٸمەتتٸ نيكولاەۆ وبلىسى ەسكەري ەكٸمشٸلٸگٸنٸڭ باسشىسى ۆيتاليي كيم راستادى. كەيٸن ول قازا بولعاندار بەسەۋگە جەتكەنٸن حابارلادى.
ۋكراينا پرەزيدەنتٸ ۆلاديمير زەلەنسكيي نيكولاەۆ قالاسىندا تٷسٸرٸلگەن ۆيدەو جارييالاپ, قالاعا جاسالعان سوققىنى "تەرروريست مەملەكەتتٸڭ مايدانداعى سەتتٸ قادامدارىمىزعا قورقاۋ جاۋابى" دەپ سيپاتتادى.
"قۇتقارۋ-ٸزدەستٸرۋ جۇمىستارى جالعاسىپ جاتىر", دەپ مەلٸمدەدٸ ول.
ايتا كەتەيٸك, رەسەي قورعانىس مينيسترٸ سەرگەي شويگۋ 9 قاراشادا ەسكەردٸ دنەپردٸڭ وڭ جاعالاۋىنا كٶشٸرۋدٸ بۇيىرعان. ۋكراينا قورعانىس مينيسترٸ الەكسەي رەزنيكوۆتىڭ پٸكٸرٸنشە, رەسەيگە ەسكەردٸ ەكەتۋ ٷشٸن كەم دەگەندە بٸر اپتا قاجەت.
