ۋكراينانىڭ لۋتسك قالاسىنىڭ ورتاسىندا ەر ادام ٸشٸندە جولاۋشىلار وتىرعان اۆتوبۋستى تۇتقىنعا الدى. بۇل تۋرالى ۋكرينفورم اگەنتتٸگٸ حابارلادى.
«لۋتسك قالاسىنىڭ ورتاسىندا بەلگٸسٸز ەر ادام اۆتوبۋس جولاۋشىلارىن تۇتقىنعا الىپ, اۆتوبۋستى جارىپ جٸبەرەم دەپ قورقىتىپ وتىر. بۇل تۋرالى ول پوليتسيياعا 21 شٸلدە كٷنٸ حابارلادى. قىلمىسكەر قولىندا گراناتا مەن باسقا دا اۆتوماتتى قارۋ بار ەكەنٸن ايتقان», - دەلٸنگەن حابارلامادا.
«جاعداي قاداعالانىپ وتىر. قالا ورتالىعى جابىلدى, ەشكٸم زارداپ شەكپەس ٷشٸن ول جەرگە ادامداردى جٸبەرمەۋگە تىرىسىپ جاتىرمىز. قالا تۇرعىندارى مەن قوناقتارىنان جاعدايعا تٷسٸنٸستٸكپەن قاراپ, جاقىن بارماۋىن ٶتٸنەمٸز», - دەپ اتاپ ٶتتٸ ۇلتتىق پوليتسييانىڭ ۆولىن وبلىسىنداعى باس باسقارماسىنىڭ باستىعى يۋريي كروشكو.
ونىڭ ايتۋىنشا, اۆتوبۋستى تۇتقىنعا العان ادام جٷيەگە قارسى نارازىلىعىن وسىلاي بٸلدٸرٸپ وتىر. ەر ادام ٶز تالاپتارىن تۆيتتەردە جارييالاعان, ال پوليتسەيلەر قازٸرگٸ كەزدە ونىڭ پاراقشاسىنا مونيتورينگ جٷرگٸزٸپ, وعان تەلەفون شالۋعا ەرەكەتتەنٸپ جاتىر.
قانداي قارۋدان وق اتىلعانى ەزٸرگە بەلگٸسٸز. زارداپ شەككەندەر جوق. كروشكو بۇل ارنايى وقۋ-جاتتىعۋ ەمەس ەكەنٸن اتاپ ٶتتٸ.
