دٷيسەنبٸدە ۋكراينا پرەزيدەنتٸ ۆلاديمير زەلەنسكيي بيىل كٶكتەمگٸ ەسكەرگە شاقىرۋدان باس تارتۋ تۋرالى جارلىققا قول قويدى, دەپ حابارلايدى قازاقپارات تاسس اقپارات اگەنتتٸگٸنە سٸلتەمە جاساپ.
قۇجات مەتٸنٸ ۋكراينا پرەزيدەنتٸ كەڭسەسٸنٸڭ سايتىندا جارييالانعان.
وندا 2021 جىلعى 29 جەلتوقسانداعى «شۇعىل ەسكەري قىزمەتكەرلەردٸ زاپاسقا اۋىستىرۋ, كەزەكتٸ ەسكەرگە شاقىرۋ مەرزٸمدەرٸن ٶتكٸزۋ جەنە 2022 جىلى ۋكراينا ازاماتتارىن كەزەكتٸ ەسكەرگە شۇعىل شاقىرۋ تۋرالى» جارلىققا ٶزگەرٸستەر ەنگٸزۋ قاراستىرىلعان.
مەتٸندە ەلدە سەۋٸر-ماۋسىم ايلارىندا ەسكەرگە كەزەكتٸ شاقىرۋ كٷنٸن بەلگٸلەيتٸن تارماقتار الىنىپ تاستالدى.
سونداي-اق, جارلىقتا بۇرىن ەسكەري قىزمەتكە شاقىرىلعانداردى دەموبيليزاتسييالاۋ كەيٸنگە قالدىرىلعانى جازىلدى.
ولاردى زاپاسقا اۋىستىرۋ «بەلگٸلەنگەن تەرتٸپتە دەموبيليزاتسييالاۋ تۋرالى حابارلاندىرۋدان ەرتە ەمەس» ٶتەتٸنٸ اتاپ ٶتٸلگەن.
24 اقپان كٷنٸ ۋكراينانىڭ بارلىق اۋماعىندا ەسكەري جاعداي ەنگٸزٸلدٸ.
15 ناۋرىز كٷنٸ رادا ونىڭ مەرزٸمٸن 26 ناۋرىزدان باستاپ تاعى 30 كٷنگە ۇزارتتى.
