فوتو: 1Tv.ge
ۋكراينا پرەزيدەنتٸ كەڭسەسٸنٸڭ بۇرىنعى باسشىسى اندرەي ەرماك وتستاۆكادان سوڭ جەنە تٸنتۋ جٷرگٸزٸلگەننەن كەيٸن مايدانعا بارۋدى جوسپارلاپ وتىرعانىن مەلٸمدەدٸ, دەپ حابارلايدى Ult.kz Unian اگەنتتٸگٸنە سٸلتەمە جاساپ.
28 قاراشادا باق اندريي ەرماكتىڭ ٷكٸمەتتٸك كۆارتالدا ٷيٸندە تٸنتۋ جٷرگٸزٸلگەنٸن حابارلاعان ەدٸ. «ۋكراينسكايا پراۆدا» جازعانداي, تٸنتۋدٸ ۋكراينا ۇلتتىق سىبايلاس جەمقورلىققا قارسى بيۋروسى مەن ارنايى سىبايلاس جەمقورلىققا قارسى پروكۋراتۋرا قىزمەتكەرلەرٸ جٷرگٸزگەن.
سول كٷنٸ-اق ۋكراينا پرەزيدەنتٸ ۆلاديمير زەلەنسكيي ەرماكتى قىزمەتٸنەن بوساتتى. زەلەنسكييدٸڭ ايتۋىنشا, ەرماك وتستاۆكا تۋرالى ٶتٸنٸش جازعان جەنە پرەزيدەنت كەڭسەسٸن ٶزگەرٸستەر كٷتٸپ تۇر.
ەندٸ Unian دەرەگٸنشە, ەرماك «مايدانعا باراتىنىن» مەلٸمدەدٸ. باق ونىڭ بۇل سٶزٸن وتستاۆكاعا كەتكەنٸنەن بٸرنەشە ساعات ٶتكەن سوڭ ايتقانىن اتاپ ٶتەدٸ.
«مەن مايدانعا اتتانامىن جەنە كەز كەلگەن قىسىمعا دايىنمىن. مەن – ادال, ار-ۇياتى بار اداممىن. (...) مەنٸ ماسقارا ەتتٸ, ەرٸ مەنٸڭ ار-نامىسىما قورعان بولمادى, 2022 جىلعى 24 اقپاننان بەرٸ كيەۆتە جٷرگەنٸمە قاراماستان. سوندىقتان زەلەنسكييگە قيىندىق تۋدىرعىم كەلمەيدٸ – مايدانعا كەتەمٸن», – دەپ كەلتٸرەدٸ باسىلىم ەرماكتىڭ سٶزٸن.
سونىمەن قاتار, باسىلىم ونىڭ ەندٸ بايلانىسقا شىعا الماۋى مٷمكٸن ەكەنٸن الدىن الا ەسكەرتكەنٸن جازادى. الايدا ەرماك قاشان جەنە قانداي فورماتتا الدىڭعى شەپكە بارۋدى جوسپارلاپ وتىرعانىن, سونداي-اق ۋكراينا قارۋلى كٷشتەرٸنە قوسىلا ما, جوق پا – ناقتىلاعان جوق.
ايتا كەتەيٸك, 10 قاراشادا ۋكراينا سىبايلاس جەمقورلىققا قارسى بيۋروسى ەنەرگەتيكا سالاسىنداعى ٸرٸ كٶلەمدەگٸ قارجى جىمقىرۋ سحەماسىن ەشكەرەلەگەنٸن جەنە بۇل ٸسكە قاتىستى ادامداردىڭ سٶيلەسۋلەرٸنٸڭ اۋديوجازبالارىن جارييالاعانىن حابارلاعان بولاتىن.
