ۋكراينا پرەمەر-مينيسترٸ الەكسەي گونچارۋك وتستاۆكاعا ٶتٸنٸش جازدى, – دەپ حابارلايدى ۋكرينفورم.
«لاۋازىمعا پرەزيدەنتتٸڭ باعدارلاماسىن ورىنداۋ ٷشٸن كەلگەن ەدٸم. ول مەن ٷشٸن اشىقتىق پەن ادالدىقتىڭ ٷلگٸسٸ سانالادى. الايدا, پرەزيدەنتكە دەگەن بٸزدٸڭ قۇرمەتٸمٸز بەن سەنٸمٸمٸزگە كەز كەلگەن كٷدٸك تۋدىرماۋ ٷشٸن وتستاۆكاعا ٶتٸنٸش جازىپ, ونى پارلامەنتكە شىعارۋ قۇقىمەن پرەزيدەنتكە بەردٸم», - دەپ جازدى الەكسەي گونچارۋك Facebook پاراقشاسىندا.
ال ۋكراينا پرەزيدەنتٸنٸڭ كەڭسەسٸ Twitter پاراقشاسىندا پرەمەر-مينيستر الەكسەي گونچارۋكتىڭ وتستاۆكاعا ٶتٸنٸشٸن ۆلاديمير زەلەنسكييدٸڭ العانىن حابارلادى.
«ۋكراينا پرەزيدەنتٸ پرەمەر-مينيستر الەكسەي گونچارۋكتٸڭ وتستاۆكاعا ٶتٸنٸشٸن الدى. مەملەكەت باسشىسى اتالعان ٶتٸنٸشتٸ قارايدى. ۋكراينا پرەزيدەنتٸنٸڭ كەڭسەسٸ قاراۋ نەتيجەسٸن جەكە حابارلايدى», - دەلٸنگەن اقپاراتتا.
