سەيسەنبٸ كٷنٸ ۋكراينا قورعانىس مينيسترلٸگٸنٸڭ باس بارلاۋ باسقارماسى رەسەيمەن تۇتقىن ايىرباستالعانىن حابارلادى. بۇل مەلٸمەتكە قاراعاندا, ەكٸ وفيتسەر, 14 جاۋىنگەردەن تۇراتىن ۋكراينانىڭ 16 ەسكەري قىزمەتكەرٸ جەنە بٸر بەيبٸت ادام رەسەيدٸڭ 15 جاۋىنگەرٸنە ايىرباستالعان, دەپ جازادى ازاتتىق.
"ۋكراينسكايا پراۆدا" باسىلىمىنىڭ حابارىنا قاراعاندا, بوستاندىققا شىققان ۋكراين جاۋىنگەرلەرٸنٸڭ اراسىندا وسىدان ەكٸ اي بۇرىن تۇتقىنعا تٷسكەن ەسكەري-تەڭٸز كٷشتەرٸنٸڭ قىزمەتكەرلەرٸ مەن دەسانتتار بار. بەس جاۋىنگەر ايىرباسقا دەيٸن رەسەي اۋرۋحانالارىندا جاتقان, اۋىر جارالانعان تاعى بەس جاۋىنگەر شۇعىل ەمدەۋدٸ كەرەك ەتەدٸ.
تۇتقىندار حەرسون جەنە نيكولاەۆسك وبلىستارىنىڭ شەكاراسىندا ايىرباستالعان. بۇل اۋماق قازٸر رەسەي ەسكەرٸنٸڭ باقىلاۋىندا تۇر.
رەسەي قورعانىس مينيسترلٸگٸ تۇتقىن ايىرباسى جٶنٸندە حابار تاراتقان جوق.
رەسەي ەسكەرٸ ۋكرايناعا باسىپ كٸرگەننەن كەيٸن ەكٸ تاراپ بٸرنەشە رەت تۇتقىن الماسقان. ەسكەري ساراپشىلاردىڭ باعالاۋىنا قاراعاندا, رەسەي جاعىندا تۇتقىندا وتىرعان ۋكراين جاۋىنگەرلەرٸ كٶبٸرەك. الايدا بۇل جٶنٸندە قانداي دا بٸر رەسمي اقپارات جوق.
