قازاقستان ٷكٸمەتٸ كوروناۆيرۋس احۋالىن تۇراقتاندىرۋدىڭ شۇعىل شارالارىن قامتيتىن ەگجەي-تەگجەيلٸ جوسپار جاساعان. وكق-دا ٶتكەن باسپاسٶز مەسليحاتىندا دەنساۋلىق ساقتاۋ مينيسترٸ الەكسەي تسوي وسىلاي دەدٸ, دەپ حابارلايدى "ۇلت اقپارات".
«بٸز سانيتارلىق تالاپتاردىڭ بەس التىن ەرەجەسٸن جاقسى بٸلەمٸز: ماسكا مەن قولعاپ كيٸپ جٷرۋ كەرەك, قولدى جۋىپ, قاشىقتىقتى ساقتاۋ كەرەك, ادام كٶپ جينالاتىن ورىنعا بارماعان جٶن. كەزدەسۋ كەزٸندە قولمەن امانداسىپ, قۇشاقتاسپاعان ابزال. الايدا ٸس جٷزٸندە بۇل ەرەجەلەردٸڭ كٶبٸ ساقتالا بەرمەيتٸنٸن كٶرٸپ وتىرمىز», - دەدٸ مينيستر.
الەكسەي تسويدىڭ ايتۋىنشا, وسى ەرەجەلەردٸ قاتاڭ ساقتاعان جاعدايدا عانا تۋعان-تۋىستارىڭىزدى قاۋٸپتەن قۇتقاراسىز.
«ەل ٸشٸندە ٸندەت كەڭٸنەن تاراپ بارادى. بەلكٸم, حالىق اراسىندا ۆيرۋستىڭ جاپپاي تارالۋىن توقتاتۋ ٷشٸن قوسىمشا شارالار كەرەك بولار. ەلبەتتە, پروبلەما مەن جوعارىدا اتاعان مەسەلەلەرمەن شەكتەلمەيدٸ. بٸراق تاعى بٸر مەرتە ايتا كەتەيٸن – ٷكٸمەت قازٸرگٸ جاعدايدان قالاي شىعۋ كەرەكتٸگٸن كٶرٸپ وتىر ەرٸ وندا احۋالدى تۇراقتاندىرۋدىڭ شۇعىل شارالارىن قامتيتىن ەگجەي-تەگجەيلٸ جوسپارى بار», - دەدٸ الەكسەي تسوي.
سونىمەن بٸرگە مينيستر مەديتسينا قىزمەتكەرلەرٸنٸڭ ەڭبەگٸن ەرەكشە اتاپ ٶتتٸ.
«وسىناۋ قيىن-قىستاۋ كەزەڭدە ولار تۋعان-تۋىستارىنىڭ, وتباسىنىڭ ورتاسىنان كەتٸپ, قاۋٸپتٸ جاعدايدا ناۋقاستارعا كٶمەك كٶرسەتٸپ جاتىر. بۇل جٸگەر مەن كەسٸپكە ادالدىقتى تالاپ ەتەتٸن قاتەرلٸ جۇمىس. وسى سەبەپتٸ بٸزدٸ دە تٷسٸنٸپ, مەديتسينا قىزمەتكەرلەرٸن بارىنشا قولداۋعا شاقىرامىن», - دەدٸ ول.
