فوتو: Ukimet
پرەمەر-مينيستر ولجاس بەكتەنوۆتٸڭ تٶراعالىعىمەن ٶتكەن ٷكٸمەت وتىرىسىندا سالىق رەفورماسى مەسەلەسٸ قارالدى. ولجاس بەكتەنوۆ وسى اپتادا ٶڭٸرلەردە كەسٸپكەرلەردٸڭ, مەسليحات دەپۋتاتتارى مەن ساراپشىلاردىڭ قاتىسۋىمەن تالقىلاۋدى جالعاستىرۋ كەرەك دەپ تاپسىردى. بۇل تۋرالى Ult.kz حابارلايدى.
تالقىلاۋ قورىتىندىسى بويىنشا سالىق كودەكسٸنٸڭ جوباسىنا تٷزەتۋلەر 20 اقپانعا دەيٸن مەجٸلٸستٸڭ قاراۋىنا ەنگٸزٸلەدٸ.
«مەملەكەت باسشىسى وتاندىق بيزنەس ٶكٸلدەرٸمەن كەزدەسۋدە سالىق رەفورماسىن كەسٸپكەرلەرمەن, دەپۋتاتتارمەن جەنە ساراپشىلارمەن بٸرگە ەگجەي-تەگجەيلٸ تالقىلاۋدى تاپسىردى», — دەدٸ ولجاس بەكتەنوۆ.
جٷرگٸزٸلٸپ جاتقان جۇمىستار تۋرالى پرەمەر-مينيستردٸڭ ورىنباسارى – ۇلتتىق ەكونوميكا مينيسترٸ سەرٸك جۇمانعارين باياندادى. مەسەلەن, بيىلعى 10 اقپاندا «اتامەكەن» پالاتاسىمەن جەنە كەسٸپكەرلەرمەن سارالانعان مٶلشەرلەمەلەر, ارنايى سالىق رەجيمدەرٸ, ققس بويىنشا ەسەپكە قويۋ شەگٸ مەسەلەلەرٸ تالقىلاندى.
سەرٸك جۇمانعارين ققس مٶلشەرلەمەسٸن سالالار بويىنشا سارالاۋمەن 12%-دان 16%-عا دەيٸن ۇلعايتۋ, ارناۋلى سالىق رەجيمدەرٸن رەفورمالاۋ, ققس بويىنشا مٸندەتتٸ تٸركەۋ ەسەبٸنە قويۋ ٷشٸن شەكتٸ 80 ملن تەڭگەدەن 15 ملن تەڭگەگە دەيٸن تٶمەندەتۋ ۇسىنىلىپ وتىرعانىن ايتتى. سونداي-اق دەنساۋلىق ساقتاۋ سالاسى ٷشٸن 10% تٶمەندەتٸلگەن مٶلشەرلەمە ۇسىنىلادى.
اۋىل شارۋاشىلىعى تاۋارىن ٶندٸرۋشٸ زاڭدى تۇلعالار بيۋدجەتكە تٶلەۋگە تيٸستٸ ققس-نىڭ 30%-ىن تٶلەيتٸن. ەندٸ ولار تٶلەمەيتٸن بولادى.
«جالپى ۇسىنىستاردى قولدايمىز. وسى اپتادا ٶڭٸرلەرگە بارىپ, حالىقتىڭ بارلىق ساناتتارىمەن ەگجەي-تەگجەيلٸ تالقىلاۋ كەرەك. مەن دە استانادا جەنە ٶڭٸرلەرگە بارىپ, تالقىلاۋلار ٶتكٸزەمٸن. وسى جۇمىستىڭ نەتيجەسٸ بويىنشا سالىق كودەكسٸنٸڭ جوباسى مەن ٸلەسپە زاڭ جوباسىنا تٷزەتۋلەردٸ 20 اقپانعا دەيٸن مەجٸلٸسكە ەنگٸزۋ كەرەك. ارى قاراي مەجٸلٸستە تالقىلاۋدى جالعاستىرامىز», — دەپ اتاپ ٶتتٸ ولجاس بەكتەنوۆ.
بٷگٸننەن باستاپ ٶڭٸرلەردەگٸ بيزنەس-قوعامداستىقپەن ٷكٸمەتتٸڭ باستامالارىن تالقىلايتىن التى جۇمىس توبىنىڭ جۇمىسى باستالادى. قازٸرگٸ ۋاقىتتا توپتار ٶڭٸرلەرگە شىعىپ, جەرگٸلٸكتٸ جەرلەردە بيزنەسپەن كەزدەسۋلەر ٶتكٸزۋدە.
ايتا كەتەيٸك, پرەزيدەنت وتاندىق بيزنەس ٶكٸلدەرٸمەن كەزدەسۋدە ٷكٸمەتكە قوسىمشا قۇن سالىعى مەسەلەسٸن تاعى دا پىسىقتاۋدى تاپسىرعان ەدٸ.
