قر پرەمەر-مينيسترٸنٸڭ ورىنباسارى گٷلشارا ەبدٸقالىقوۆا باستاعان ٷكٸمەت مٷشەلەرٸ قوستاناي وبلىسىنا جاساعان ساپارىنىڭ ەكٸنشٸ كٷنٸ رۋدنىي قالاسىنا باردى, دەپ حابارلايدى "ۇلت اقپارات".
الدىمەن گٷلشارا ەبدٸقالىقوۆا ەڭبەك جەنە حالىقتى ەلەۋمەتتٸك قورعاۋ مينيسترٸ بەردٸبەك ساپارباەۆپەن بٸرگە سوكولوۆ-سارىباي كەن ٶندٸرۋ بٸرلەستٸگٸنٸڭ كادرلاردى وقىتۋ ورتالىعىنىڭ جۇمىسىمەن تانىستى. ورتالىق ديرەكتورىنىڭ مٸندەتٸن اتقارۋشى يليا پورحومەنكو ايتقانداي, قازٸر مۇندا ماماندار 7 باعىت بويىنشا بٸلٸم الۋدا.
«كادرلاردى وقىتۋ ورتالىعى بٸلٸكتٸلٸكتٸ ارتتىرۋ, جۇمىستاعى تەحنيكالىق ساقتاندىرۋ, جاراقات الۋدىڭ الدىن الۋ, كٶشباسشىلىققا باۋلۋ سەكٸلدٸ باعىتتاردا جۇمىس ٸستەيدٸ. بٸلٸم الۋشىلارعا بارلىق جاعداي جاسالعان, تەحنيكالىق جاعىنان قامتاماسىز ەتٸلدٸ. ٶتكەن جىلى 51643 ماماندى قايتا وقىتىپ شىعاردىق. ونىڭ 3831-ٸ تەجٸريبەدەن ٶتكەن ماماندار», - دەدٸ يليا پورحومەنكو.
ۆيتسە-پرەمەر رۋدنىيعا كەلگەن جۇمىس ساپارىنىڭ ماقساتىن تٷسٸندٸرٸپ, كەن ٶندٸرۋشٸلەردٸڭ ساۋالدارىنا جاۋاپ بەردٸ. ونىڭ ايتۋىنشا, قازٸرگٸ ۋاقىتتا جالاقىنىڭ ۋاقىتىلى تٶلەنبەۋٸ ەڭبەك داۋلارىنىڭ تۋىنداۋىنا ەكەلٸپ سوقتىرادى.
«كەسٸپورىن مەن جۇمىسشى اراسىنداعى ەڭبەك داۋلارىنىڭ 30 پروتسەنتٸ جالاقى قارىزىنا بايلانىستى تۋىندايدى. سودان سوڭ ەڭبەك قاۋٸپسٸزدٸگٸنە قاتىستى مەسەلەلەر. وسىعان بايلانىستى جۇمىس بەرۋشٸلەر جىل سايىن جالاقىنى ٶسٸرٸپ وتىرعاندارى جٶن. سوڭعى 10 جىلدا ەلٸمٸزدە ورتاشا جالاقى 2,5 ەسەگە ٶسكەن. بۇل تۇرعىدا قوستاناي وبلىسى جاقسى جۇمىس اتقاردى», - دەدٸ گٷلشارا ەبدٸقالىقوۆا.
يليا پورحومەنكونىڭ سٶزٸنشە, سوكولوۆ-سارىباي كەن ٶندٸرۋ بٸرلەستٸگٸ جۇمىسشىلارىنىڭ ورتاشا جالاقىسى - 220 مىڭ تەڭگە. ال ەكسكاۆاتورلار جوسپاردى ورىنداعاندا 320 مىڭ تەڭگەگە دەيٸن الادى. ەڭ باستىسى, ايلىق كەشٸكتٸرٸلمەي ۋاقىتىلى بەرٸلەدٸ. جۇمىسشىلار بارلىق ەلەۋمەتتٸك پاكەتكە يە بولادى.
ايتا كەتەيٸك, ٷكٸمەت مٷشەلەرٸنٸڭ وبلىسقا ساپارىنىڭ ماقساتى - ەلباسىنىڭ «ەلەۋمەتتٸك قامقورلىق» جاڭا ەلەۋمەتتٸك شارالارىنىڭ نەگٸزگٸ باعىتتارىن تٷسٸندٸرۋ.
