بٷگٸن قر پرەمەر-مينيسترٸنٸڭ ورىنباسارى گٷلشارا ەبدٸقالىقوۆا باستاعان جۇمىس توبى قوستاناي وبلىسىنا باردى, دەپ حابارلايدى "ۇلت اقپارات".
توپ قۇرامىندا بٸلٸم جەنە عىلىم مينيسترٸ كٷلەش شەمشيدينوۆا, دەنساۋلىق ساقتاۋ مينيسترٸ ەلجان بٸرتانوۆ, ەڭبەك جەنە حالىقتى ەلەۋمەتتٸك قورعاۋ مينيسترٸ بەردٸبەك ساپارباەۆ بار. جۇمىس توبى ساپار بارىسىندا ەڭ نەگٸزگٸ 3 باعىتقا كٶڭٸل بٶلدٸ. ەۋەلٸ, ەڭ مۇقتاج ازاماتتارعا, از قامتىلعان وتباسىلارعا كٶمەك بەرۋدٸڭ جاي-جاپسارىن تٷسٸندٸرۋ. مۇنان سوڭ باسپانا مەسەلەسٸن شەشۋ بويىنشا قولعا الىنعان ناقتى جۇمىستار رەتٸن تالقىلاۋ. ٷشٸنشٸدەن, بٸلٸم جەنە دەنساۋلىق سالالارى بويىنشا اتقارىلعان شارالاردى سارالاۋ.
گٷلشارا ەبدٸقالىقوۆا الدىمەن كٶپ بالالى وتباسىلارمەن, از قامتىلعان ازاماتتارمەن كەزدەسۋ ٶتكٸزدٸ. سونىڭ بٸرٸ - شەكٸروۆتار وتباسى. جاقىندا 8 بالا تەربيەلەپ وتىرعان جاننا شەكٸروۆاعا مەتسەنات يگور كيم ٷش بٶلمەلٸ پەتەر الىپ بەردٸ.
«وسى ۋاقىتقا دەيٸن قالا ورتالىعىندا بالالارىممەن 90 مىڭعا پەتەر جالداپ تۇردىم. مەملەكەتتەن 106 مىڭ تەڭگە كٶمەك الىپ تۇرامىن. دەگەنمەن, كٷندەلٸكتٸ تۇرمىستىق شىعىنداردى ەسەپتەگەندە قاراجات جەتپەيدٸ. ەندٸ كەسٸپكەر كٶمەگٸنٸڭ ارقاسىندا كٶپتەن كٷتكەن قۋانىشقا كەنەلٸپ وتىرمىز», - دەيدٸ جاننا شەكٸروۆا.
پرەمەر-مينيستردٸڭ ورىنباسارى بٷگٸندە حالىقتىڭ تابىسىن ارتتىرۋ جەنە ەل-اۋقاتىن جاقسارتۋ بويىنشا شارالار كەشەنٸ قابىلدانىپ جاتقانىن ايتتى. سونىمەن قاتار, ول مەملەكەتتەن ەڭبەككە جارامسىز ازاماتتارعا جەنە ۋاقىتشا ٶمٸرلٸك قيىن جاعدايلارعا تاپ بولعان ادامدارعا كٶمەك كٶرسەتٸلەتٸنٸن اتاپ ٶتتٸ. ال جۇمىس ٸستەۋگە قابٸلەتتٸ باسقا ادامدار مەملەكەت ۇسىنىپ وتىرعان جۇمىسپەن قامتۋدىڭ بارلىق فورمالارىنا قاتىسۋى تيٸس.
ٷكٸمەت مٷشەلەرٸ بەكٸتٸلگەن كەستەگە ساي حالىققا قىزمەت كٶرسەتۋ جەنە جۇمىسپەن قامتۋ ورتالىقتارىنىڭ جۇمىستارىمەن تانىسادى.
كٷننٸڭ ەكٸنشٸ جارتىسىندا قوستاناي اۋدانىنداعى «التىن دەن» مەدەنيەت ٷيٸندە تۇرعىندارمەن كەزدەسەدٸ.
جۇمىس توبىنىڭ بٸرٸنشٸ كٷنٸ ە.ٶمٸرزاقوۆ اتىنداعى فيلارمونيياداعى جالپى جيىنمەن تٷيٸندەلەدٸ. باسقوسۋدا «ەڭبەك» باعدارلاماسىنىڭ قوستاناي وبلىسىندا ورىندالۋى سٶز ەتٸلەدٸ.
