فوتو: Pexels.com
قازاقستان ٷكٸمەتٸ مەديتسينالىق كٶمەكتٸڭ ساپاسىن باسقارۋدى جەتٸلدٸرۋگە ارنالعان 2026–2030 جىلدارعا ارنالعان كەشەندٸ جوسپاردى بەكٸتتٸ, دەپ حابارلايدى Ult.kz.
تيٸستٸ قاۋلىعا پرەمەر-مينيستر ولجاس بەكتەنوۆ قول قويعان. قۇجات مەملەكەت باسشىسىنىڭ «جاساندى ينتەللەكت دەۋٸرٸندەگٸ قازاقستان: ٶزەكتٸ مەسەلەلەر جەنە ونى تٷبەگەيلٸ تسيفرلىق ٶزگەرٸستەر ارقىلى شەشۋ» اتتى قازاقستان حالقىنا جولداۋىندا بەرٸلگەن تاپسىرمالاردى ورىنداۋ اياسىندا ەزٸرلەنگەن.
جوسپاردىڭ نەگٸزگٸ ماقساتى
كەشەندٸ جوسپاردىڭ باستى ماقساتى – پاتسيەنت مەديتسينالىق قىزمەت ساپاسىن باعالاۋ جەنە باقىلاۋ پروتسەستەرٸنە بەلسەندٸ قاتىساتىن جٷيە قالىپتاستىرۋ. قۇجات مەديتسينالىق كٶمەكتٸڭ ساپاسى مەن قاۋٸپسٸزدٸگٸن تۇراقتى جاقسارتۋعا, پروتسەستەردٸڭ اشىقتىعىن قامتاماسىز ەتۋگە جەنە رەتتەۋ تيٸمدٸلٸگٸن ارتتىرۋعا باعىتتالعان.
تٶرت ستراتەگييالىق باعىت
جوسپاردا جٷيەنٸ دامىتۋدىڭ تٶرت نەگٸزگٸ باعىتى ايقىندالعان:
مەديتسينالىق قىزمەت كٶرسەتۋ سالاسىنداعى رەتتەۋشٸ قۇرالداردى جاڭعىرتۋ;
جاساندى ينتەللەكت تەحنولوگييالارىن پايدالانا وتىرىپ, ساپا ساراپتاماسىنىڭ جاڭا مودەلٸن ەنگٸزۋ جەنە ۇلتتىق ساپا ينستيتۋتىن قۇرۋ;
كەسٸبي مەديتسينالىق قاۋىمداستىق پەن پاتسيەنتتەردٸڭ رٶلٸن كٷشەيتۋ;
ساپانى باسقارۋ جٷيەسٸن تسيفرلىق ترانسفورماتسييالاۋ.
تسيفرلاندىرۋ جەنە جاساندى ينتەللەكت
قۇجاتقا سەيكەس, مەديتسينالىق قىزمەت ساپاسىن باقىلاۋ مەن باسقارۋ جٷيەسٸ دەرەكتەرگە, تسيفرلىق قۇرالدارعا جەنە جاساندى ينتەللەكت تەحنولوگييالارىنا نەگٸزدەلگەن جاڭا مودەلگە كٶشەدٸ.
ساپانى باسقارۋ جٷيەسٸندە تسيفرلىق ترانسفورماتسييا جٷرگٸزٸلٸپ, پروفيلاكتيكالىق باقىلاۋ جٷيەسٸ ەنگٸزٸلەدٸ. سونداي-اق ساراپشىلارعا ارنالعان اۆتوماتتاندىرىلعان جۇمىس ورنى قۇرىلىپ, ليتسەنزييادان كەيٸنگٸ باقىلاۋ پروتسەستەرٸ تولىق تسيفرلاندىرىلماق.
اككرەديتاتسييا جەنە مونيتورينگ
زاڭنامالىق ٶزگەرٸستەر اياسىندا 2028 جىلدان باستاپ تەگٸن مەديتسينالىق كٶمەكتٸڭ كەپٸلدٸك بەرٸلگەن كٶلەمٸ مەن مٸندەتتٸ ەلەۋمەتتٸك مەديتسينالىق ساقتاندىرۋ جٷيەسٸندە قىزمەت كٶرسەتەتٸن مەديتسينالىق ۇيىمدارعا مٸندەتتٸ اككرەديتاتسييا ەنگٸزۋ جوسپارلانىپ وتىر.
سونىمەن قاتار اككرەديتاتسييادان كەيٸنگٸ مونيتورينگ تە تسيفرلىق فورماتقا كٶشٸرٸلەدٸ. نەتيجەسٸندە مەديتسينالىق ۇيىمداردى ليتسەنزييادان كەيٸنگٸ مونيتورينگپەن قامتۋ دەڭگەيٸ 70%-عا جەتٸپ, ولاردىڭ كەمٸندە 80%-ى جاڭا ستاندارتتار بويىنشا اككرەديتتەلەدٸ.
ۇلتتىق ساپا ينستيتۋتى قۇرىلادى
جوسپار اياسىندا دەنساۋلىق ساقتاۋدى دامىتۋدىڭ ۇلتتىق عىلىمي ورتالىعى بازاسىندا ۇلتتىق ساپا ينستيتۋتىن قۇرۋ كٶزدەلگەن. ينستيتۋت ەدٸسنامالىق جەنە تالدامالىق ورتالىق رەتٸندە جۇمىس ٸستەيدٸ.
ونىڭ قىزمەتٸ دٷنيەجٷزٸلٸك دەنساۋلىق ساقتاۋ ۇيىمىنىڭ تەحنيكالىق قولداۋىمەن جٷزەگە اسىپ, پاتسيەنت قاۋٸپسٸزدٸگٸ بويىنشا حالىقارالىق ستاندارتتاردى ەنگٸزۋگە مٷمكٸندٸك بەرەدٸ.
پاتسيەنتتەردٸڭ رٶلٸ كٷشەيەدٸ
كەشەندٸ جوسپار مەديتسينالىق قاۋىمداستىق پەن پاتسيەنتتەردٸڭ رٶلٸن ارتتىرۋدى دا قاراستىرادى. كەسٸبي بٸرلەستٸكتەر ساپانى تەۋەلسٸز ساراپتاۋعا جەنە مامانداردىڭ كلينيكالىق ويلاۋىن باعالاۋعا تارتىلماق.
ال پاتسيەنتتەردٸ قولداۋ قىزمەتٸن تسيفرلاندىرۋ ازاماتتاردىڭ ٶتٸنٸشتەرٸنە ناقتى ۋاقىت رەجيمٸندە جەدەل جاۋاپ بەرۋگە جاعداي جاسايدى.
نەگٸزگٸ نەتيجەلەر
جوسپارعا سەيكەس:
2027 جىلى ساپا ساراپتاماسىنىڭ ٷش كومپونەنتتٸ مودەلٸ ەنگٸزٸلەدٸ;
2028 جىلعا دەيٸن مەديتسينالىق كٶمەك كٶرسەتۋ ستاندارتتارى تولىق تسيفرلاندىرىلادى;
2028 جىلعا قاراي مەديتسينالىق كٶمەكتٸڭ ساپاسى مەن كٶلەمٸن باقىلاۋدىڭ كەمٸندە 20%-ى جاساندى ينتەللەكت ارقىلى جٷزەگە اسىرىلادى.
ٷكٸمەتتٸڭ مەلٸمەتٸنشە, جوسپاردى ٸسكە اسىرۋ مەديتسينالىق كٶمەكتٸڭ ساپاسىن رەتتەۋدٸڭ بٸرىڭعاي جٷيەسٸن قالىپتاستىرۋعا, مەديتسينالىق ۇيىمدار قىزمەتٸنٸڭ اشىقتىعىن ارتتىرۋعا جەنە باسقارۋشىلىق شەشٸمدەردٸ وبەكتيۆتٸ دەرەكتەر نەگٸزٸندە قابىلداۋعا مٷمكٸندٸك بەرەدٸ. سونىمەن قاتار 2030 جىلعا قاراي مەديتسينالىق قىزمەتتەردٸڭ نەگٸزگٸ ساپا كٶرسەتكٸشتەرٸن جاقسارتۋ جوسپارلانىپ وتىر.
