«اتامەكەن» ۇلتتىق كەسٸپكەرلەر پالاتاسىنىڭ كەزەكتەن تىس ٸح سەزٸندە قر پرەمەر-مينيسترٸ ەليحان سمايىلوۆ وتاندىق بيزنەستٸ دامىتۋعا قاتىستى ويىن ورتاعا سالدى, دەپ حابارلايدى قازاقپارات.
«بٷگٸن - بٷكٸل بيزنەس-قوعامداستىق ٷشٸن ماڭىزدى كٷن. سٸزدەر پالاتانىڭ جاڭا تٶرالقا مٷشەلەرٸ مەن تٶراعاسىن سايلادىڭىزدار. وسى رەتتە, ابىلاي يسابەكۇلىنا ەلٸمٸزدەگٸ كەسٸپكەرلٸكتٸ دامىتۋعا قوسقان كٶپ جىلعى جۇمىسى ٷشٸن العىس ايتامىز. تٶرالقانىڭ جاڭا مٷشەلەرٸ مەن تٶراعاسى رايىمبەك باتالوۆقا تابىس تٸلەيمٸز. رايىمبەك ەنۋارۇلى بيزنەس سالاسىندا تەجٸريبەلٸ ازامات. بيزنەس-قوعامداستىقتىڭ تالاپ-تٸلەگٸن جاقسى بٸلەدٸ. ٷكٸمەت بيزنەستٸڭ پروبلەمالارىن بٸلەدٸ جەنە ولاردى شەشۋ مەسەلەسٸن ەرەكشە نازارىندا ۇستايدى», - دەدٸ ەليحان سمايىلوۆ.
ٷكٸمەت باسشىسىنىڭ ايتۋىنشا, قازٸر كەسٸپكەرلٸك سالاسىنداعى ٶزەكتٸ پروبلەمالاردى شەشٸپ, قازاقستاندىق بيزنەستٸڭ ودان ەرٸ ٶركەندەۋٸنە جول اشۋ كەرەك.
«ٶتكەن جىلى بٸرٸنشٸ ۆيتسە-پرەمەر رەتٸندە شاعىن جەنە ورتا بيزنەستٸ دامىتۋ جٶنٸندە اپتا سايىن كەڭەس ٶتكٸزدٸك. كەڭەستە 18 قىزمەت سالاسى بويىنشا بيزنەستٸڭ 160-تان استام مەسەلەسٸن قارادىق. وسى پروبلەمالاردىڭ شامامەن 75%-ٸ وڭ شەشٸمٸن تاپتى. كەشە مەملەكەتتٸك ورگاندار مەن پالاتا ٶكٸلدەرٸنٸڭ قاتىسۋىمەن ٶتكەن كەڭەستە 250-دەن استام مەسەلە قوسىمشا ايتىلدى. بٷگٸن ولار تۋرالى تاعى دا باياندالدى. ٷكٸمەت الداعى ۋاقىتتا وسى مەسەلەلەرمەن بەلسەندٸ اينالىسادى», - دەيدٸ ول.
سونداي-اق, پرەمەر-مينيستر بيزنەسكە قاتىستى ەر پروبلەمانىڭ مۇقييات قارالاتىنىن ايتتى.
