مۇقتاج قارت ادامداردىڭ بارلىعىنا اتاۋلى كٶمەك كٶرسەتٸلەدٸ. بۇل تۋرالى مەجٸلٸستە «Nur Otan» پارتيياسىنىڭ سايلاۋ الدىنداعى مٸندەتتەمەلەرٸن ٸسكە اسىرۋعا ارنالعان تالقىلاۋ كەزٸندە پرەمەر-مينيستر اسقار مامين مەلٸم ەتتٸ, دەپ حابارلايدى "ۇلت اقپارات".
«اعا بۋىن ٶكٸلدەرٸن قولداۋ بويىنشا جۇمىس جالعاسادى. 2024 جىلى زەينەتاقىلاردى رەسٸمدەۋ بويىنشا بارلىق رەسٸمدەر پرواكتيۆتٸ فورماتقا كٶشۋ ارقىلى ەلەكتروندىق تٷردە كٶرسەتٸلەتٸن بولادى. بيىل زەينەتاقىلار مەن جەردەماقىلاردى تاعايىنداۋ پروتسەستەرٸنٸڭ 92 پايىزى تسيفرلانادى», - دەدٸ مامين.
ونىڭ ايتۋىنشا, مۇقتاج قارت ادامداردىڭ بارلىعىنا اتاۋلى كٶمەك كٶرسەتٸلەدٸ.
«اعا بۋىن ٶكٸلدەرٸنٸڭ تۇرمىس ساپاسىن جاقسارتۋ, دەنساۋلىعىن ساقتاۋ جەنە نىعايتۋ ماقساتىندا 2025 جىلعا دەيٸن ەربٸر ٶڭٸردە بەلسەندٸ ۇزاق ٶمٸر ورتالىقتارى قۇرىلادى. قازٸرگٸ كەزدە مۇنداي ورتالىقتار نۇر-سۇلتان جەنە الماتى قالالارىندا جۇمىس ٸستەيدٸ», - دەدٸ ٷكٸمەت باسشىسى.
ونىڭ سٶزٸنە قاراعاندا, ورتاق زەينەتاقىلار جىل سايىن ينفلياتسييا دەڭگەيٸنەن 2 پايىزعا اسىرىلىپ, يندەكستەلٸپ وتىرادى.
«نەتيجەسٸندە 2025 جىلى ورتاق زەينەتاقى مٶلشەرٸ 2020 جىلعى دەڭگەيگە قاراعاندا 37 پايىزعا ٶسەدٸ», - دەدٸ پرەمەر-مينيستر.
