قر ٷكٸمەتٸنٸڭ باسشىسى ەليحان سمايىلوۆ سەناتور دانا نۇرجٸگٸتتٸڭ ەيەلدەردٸڭ زەينەت جاسى تۋرالى دەپۋتاتتىق ساۋالىنا جاۋاپ جولدادى, دەپ حابارلايدى قازاقپارات.
«2018 جىلدان باستاپ ەيەل ادامداردىڭ زەينەتكەرلٸك جاسى جىل سايىن 6 ايعا ارتىپ كەلەدٸ. وسى ٷدەرٸس كەزەڭ-كەزەڭٸمەن 10 جىلدا ٸسكە اسىرىلادى. زەينەتاقى جاسىن بٸرٸزدەندٸرۋ بيۋدجەت قاراجاتىن ٷنەمدەۋ ٷشٸن ەمەس, لايىقتى زەينەتاقى مٶلشەرٸن قامتاماسىز ەتۋ ٷشٸن ەنگٸزٸلگەن. ٶزٸڭٸزگە بەلگٸلٸ, قازاقستاندىقتار بيۋدجەتتەن بازالىق جەنە ىنتىماقتى زەينەتاقىسىن الادى. ىنتىماقتى زەينەتاقى ازاماتتاردىڭ 1998 جىلعا دەيٸنگٸ 2 ەڭبەك ٶتٸلٸ مەن سوڭعى 3 جىلدىق تابىسى نەگٸزٸندە ەسەپتەلٸنەدٸ. نەتيجەسٸندە جىل سايىن بۇل تٶلەمنٸڭ تٷرٸ كەمٸپ, جيناقتاۋشى زەينەتاقى ٷلەسٸ ٶسەتٸن بولادى. سوندىقتان, زەينەتاقى جاسىن تٶمەندەتۋ زەينەتاقى سالىمدارىنىڭ كٶلەمٸنٸڭ كەمۋٸنە جەنە وسى جٷيەدەن بەرٸلەتٸن تٶلەمدەردٸڭ دە كٷرت قىسقارۋىنا الىپ كەلەدٸ», - دەپ تٷسٸندٸرەدٸ پرەمەر-مينيستر.
ونىڭ ايتۋىنشا, ٶمٸر سٷرۋ ۇزاقتىعىنىڭ ٶسۋٸنە بايلانىستى زەينەتكەرلٸك جاسىن كٶتەرۋ ٷردٸسٸ دامىعان مەملەكەتتەردە دە, كٶرشٸلەس ەزەربايجان, ارمەنييا, رەسەي, بەلارۋس ەلدەرٸندە دە قولعا الىنىپ جاتىر.
«وسى ٶزگەرٸستەردٸ ەسەپكە الا وتىرىپ, ەلٸمٸزدە زەينەتاقى جٷيەسٸنٸڭ تيٸمدٸلٸگٸن ارتتىرۋدىڭ جاڭا شارالارى پىسىقتالىپ جاتىر.
ولاردىڭ اياسىندا:
1) زەينەتاقىنىڭ مٶلشەرٸن ارتتىرۋدى كٶزدەيتٸن زەينەتاقىمەن قامسىزداندىرۋ جٷيەسٸنە پارامەترلٸك ٶزگەرٸستەر ەنگٸزۋ;
2) ينفلياتسييا دەڭگەيٸنەن 2%-عا اسا وتىرىپ, ىنتىماقتى زەينەتاقى مٶلشەرٸن يندەكستەۋدٸ ساقتاۋ;
3) جۇمىسپەن قامتۋ مەرتەبەسٸنە بايلانىستى زەينەتكەرلٸك جاسقا جاقىنداپ قالعان ەيەلدەر ٷشٸن جاڭا قولداۋ شارالارىن انىقتاۋ. ەلەۋمەتتٸك جوبالارعا تارتا وتىرىپ, جۇمىس ٸستەمەيتٸن ەيەلدەردٸڭ زەينەتاقى جٷيەسٸنە قاتىسۋ مەرزٸمٸن ۇزارتۋ;
4) زەينەتاقىمەن قامسىزداندىرۋ جٷيەسٸنٸڭ دەموگرافييالىق ترەندتەرگە جەنە بيۋدجەت كٸرٸستەرٸنە تەۋەلدٸلٸگٸن تٶمەندەتۋگە ارنالعان جيناقتاۋدىڭ شارتتى كومپونەنتٸن ەنگٸزۋ كٶزدەلگەن. وسى شارالار زەينەتكەرلەردٸڭ بارلىق ساناتتارى ٷشٸن زەينەتاقى تٶلەمدەرٸنٸڭ بارابار مٶلشەرٸن قامتاماسىز ەتەدٸ», - دەپ جازىلعان ەليحان سمايىلوۆتىڭ جاۋابىندا.
