QR Úkimetiniń basshysy Álihan Smaiylov senator Dana Nurjigittiń áielderdiń zeinet jasy týraly depýtattyq saýalyna jaýap joldady, dep habarlaidy QazAqparat.
«2018 jyldan bastap áiel adamdardyń zeinetkerlik jasy jyl saiyn 6 aiǵa artyp keledi. Osy úderis kezeń-kezeńimen 10 jylda iske asyrylady. Zeinetaqy jasyn birizdendirý biýdjet qarajatyn únemdeý úshin emes, laiyqty zeinetaqy mólsherin qamtamasyz etý úshin engizilgen. Ózińizge belgili, qazaqstandyqtar biýdjetten bazalyq jáne yntymaqty zeinetaqysyn alady. Yntymaqty zeinetaqy azamattardyń 1998 jylǵa deiingi 2 eńbek ótili men sońǵy 3 jyldyq tabysy negizinde eseptelinedi. Nátijesinde jyl saiyn bul tólemniń túri kemip, jinaqtaýshy zeinetaqy úlesi ósetin bolady. Sondyqtan, zeinetaqy jasyn tómendetý zeinetaqy salymdarynyń kóleminiń kemýine jáne osy júieden beriletin tólemderdiń de kúrt qysqarýyna alyp keledi», - dep túsindiredi Premer-Ministr.
Onyń aitýynsha, ómir súrý uzaqtyǵynyń ósýine bailanysty zeinetkerlik jasyn kóterý úrdisi damyǵan memleketterde de, kórshiles Ázerbaijan, Armeniia, Resei, Belarýs elderinde de qolǵa alynyp jatyr.
«Osy ózgeristerdi esepke ala otyryp, elimizde zeinetaqy júiesiniń tiimdiligin arttyrýdyń jańa sharalary pysyqtalyp jatyr.
Olardyń aiasynda:
1) zeinetaqynyń mólsherin arttyrýdy kózdeitin zeinetaqymen qamsyzdandyrý júiesine parametrlik ózgerister engizý;
2) infliatsiia deńgeiinen 2%-ǵa asa otyryp, yntymaqty zeinetaqy mólsherin indeksteýdi saqtaý;
3) jumyspen qamtý mártebesine bailanysty zeinetkerlik jasqa jaqyndap qalǵan áielder úshin jańa qoldaý sharalaryn anyqtaý. Áleýmettik jobalarǵa tarta otyryp, jumys istemeitin áielderdiń zeinetaqy júiesine qatysý merzimin uzartý;
4) zeinetaqymen qamsyzdandyrý júiesiniń demografiialyq trendterge jáne biýdjet kiristerine táýeldiligin tómendetýge arnalǵan jinaqtaýdyń shartty komponentin engizý kózdelgen. Osy sharalar zeinetkerlerdiń barlyq sanattary úshin zeinetaqy tólemderiniń barabar mólsherin qamtamasyz etedi», - dep jazylǵan Álihan Smaiylovtyń jaýabynda.
