قر پرەمەر-مينيسترٸ اسقار مامين الماتى قالاسىنا جۇمىس ساپارى بارىسىندا الماتى اگلومەراتسيياسىن دامىتۋ مەسەلەلەرٸ جٶنٸندە كەڭەس ٶتكٸزدٸ, دەپ حابارلايدى "ۇلت اقپارات" ٷكٸمەت باسشىسىنىڭ باسپاسٶز قىزمەتٸنە سٸلتەمە جاساپ.
پرەمەر-مينيستردٸڭ ورىنباسارى رومان سكليار, الماتى قالاسىنىڭ ەكٸمٸ باقىتجان ساعىنتاەۆ, الماتى وبلىسىنىڭ ەكٸمٸ اماندىق باتالوۆ بايانداما جاسادى. دٷنيەجٷزٸلٸك بانكتٸڭ ورتالىق ازييا بويىنشا باعدارلامالار ٷيلەستٸرۋشٸسٸ ساشا دجۋمەنا اگلومەراتسييالاردى دامىتۋ بويىنشا ەلەمدٸك تەجٸريبەنٸ قولدانۋ تۋرالى باياندادى.
تالقىلاۋعا ەنەرگەتيكا مينيسترٸ نۇرلان نوعاەۆ, ەكولوگييا, گەولوگييا جەنە تابيعي رەسۋرستار مينيسترٸ ماعزۇم مىرزاعاليەۆ, تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترٸ باعدات مۋسين جەنە ت. ب. قاتىستى. مەملەكەت باسشىسى قاسىم-جومارت توقاەۆتىڭ بيىلعى 17 ناۋرىزدا الماتى قالاسىنىڭ ەلەۋمەتتٸك-ەكونوميكالىق دامۋ مەسەلەلەرٸ جٶنٸندەگٸ كەڭەستە بەرگەن تاپسىرمالارىنىڭ ورىندالۋ بارىسى قارالدى.
بٸرىڭعاي ينتەگراتسييالانعان كٶلٸك جٷيەسٸن قۇرۋ, ينجەنەرلٸك, تۇرعىن ٷي, تۋريستٸك جەنە ەلەۋمەتتٸك ينفراقۇرىلىمدى دامىتۋ, بٸلٸم بەرۋ جەنە دەنساۋلىق ساقتاۋ, كەسٸپكەرلٸك جەنە ينۆەستيتسييالار تارتۋ, قورشاعان ورتانى قورعاۋ جەنە الماتى اگلومەراتسيياسىنىڭ ەلدٸ مەكەندەرٸن گازداندىرۋ, سونداي-اق الماتى قالاسىنىڭ اينالاسىنداعى ازىق-تٷلٸك بەلدەۋٸن نىعايتۋ جوبالارى تالقىلاندى.
الماتى اگلومەراتسيياسىن دامىتۋ جٶنٸندەگٸ ٶڭٸرارالىق ٸس-شارالار جوسپارى 2030 جىلعا دەيٸن 108 ٸس-شارانى ورىنداۋدى كٶزدەيدٸ. جوسپارلاۋ كەزٸندە پايدالانىلعان بولجامدارعا سەيكەس, الماتى قالاسىنىڭ تۇرعىندارىن قوسا العاندا, الماتى اگلومەراتسيياسىنىڭ حالقى 2030 جىلعا قاراي 1,6 ملن ادامعا ۇلعايادى جەنە 4,7 ملن ادامنان اسادى, ولار 860 مىڭ گا استام اۋماققا قونىستانادى. 2020 جىلدان باستاپ جوسپاردىڭ 60 تارماعى بويىنشا جوبالاردى ٸسكە اسىرۋ باستالدى, ولاردىڭ 13-ٸ اياقتالدى.
پرەمەر-مينيستر بيىلعى 20 تامىزعا دەيٸن «ٷلكەن الماتىنىڭ» تٶرت پيلوتتىق جوباسىن ٸسكە اسىرۋ: ەكولوگييالىق پروبلەمالاردى شەشۋ (Green Almaty), بٸرىڭعاي كٶلٸك مودەلٸن جەنە دامۋ ستراتەگيياسىن ەزٸرلەۋ, شوب تسيفرلىق كارتاسىن قالىپتاستىرۋ, مونيتورينگ پەن تج الدىن الۋدىڭ كەشەندٸ جٷيەسٸن ەزٸرلەۋ مەسەلەلەرٸن پىسىقتاۋدى تاپسىردى. تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترلٸگٸنە بيىلعى 1 قاراشاعا دەيٸن الماتى قالاسىندا تسيفرلىق تەحنولوگييالاردى (اT-قۇمسالعىشتار) دامىتۋ جٶنٸندە شارالار قابىلداۋ تاپسىرىلدى.
يندۋسترييا جەنە ينفراقۇرىلىمدىق دامۋ مينيسترلٸگٸنە بيىلعى 20 قازانعا دەيٸن اگلومەراتسييانىڭ بٸرىڭعاي كٶلٸك مودەلٸن ەزٸرلەۋ تاپسىرىلدى.
الماتى قالاسىنا جۇمىس ساپارى اياسىندا ٷكٸمەت باسشىسىنا الماتى قالاسى حالىقارالىق ەۋەجايىنىڭ جاڭا تەرمينالىن سالۋ جوباسى ۇسىنىلدى, ول جىلدىق جولاۋشىلار اينالىمىن 6 ملن ادامعا ۇلعايتۋعا مٷمكٸندٸك بەرەدٸ. ٸسكە اسىرۋ مەرزٸمٸ – 2021-2023 جىلدار.
ا. مامين «ايۋساي» سەل ۇستايتىن بٶگەتٸنٸڭ, سونداي-اق الماتى قالاسىنىڭ كٶلٸك جەنە ەلەۋمەتتٸك ينفراقۇرىلىم نىساندارىنىڭ قۇرىلىس الاڭدارىنا باردى.
