UFC پرەزيدەنتٸ دەينا ۋايت ۇيىمنىڭ بۇرىنعى چەمپيونى, يرلاندييالىق كونور ماكگرەگوردىڭ وكتاگونعا قاي ۋاقىتتا قايتىپ كەلۋٸ مٷمكٸن ەكەنٸن ايتتى, دەپ حابارلايدى Sports.kz.
«مەنٸڭ ويىمشا, كونور 2019 جىلدىڭ سوڭىندا نەمەسە 2020 جىلدىڭ باسىندا قايتىپ كەلەدٸ. قىركٷيەكتەگٸ تۋرنيرلەردٸڭ قالاي ٶتەتٸنٸن كٶرەيٸك. جوق, كونور نۋرماگومەدوۆ – پورە ايقاسىنىڭ جەڭٸمپازىمەن جۇدىرىقتاسپايدى. الايدا, بۇل جەكپە-جەكتە كٸم جەڭسە دە, ديۆيزيوندا ماڭىزدى ٶزگەرٸستەر ورىن الماق», - دەپ ۋايتتىڭ سٶزٸن جەتكٸزدٸ TMZ.
ماكگرەگور 2018 جىلدىڭ قازان ايىنان بەرٸ رينگكە شىقپاعان. ول رەسەيلٸك حابيب نۋرماگومەدوۆتەن جەڭٸلٸپ, ارتى جاپپاي تٶبەلەسكە ۇلاسقان ەدٸ. نەتيجەسٸندە ەكٸ سپورتشى دا ۇزاق ۋاقىتقا بوكستان شەتتەتٸلدٸ. كونور ماكگرەگوردىڭ ٶزٸ مما-دان كەتكەنٸن مەلٸم ەتتٸ, الايدا ودان كەيٸن بٸرنەشە رەت قايتىپ كەلەتٸنٸن مەڭزەگەن.
