ەۋروپالىق فۋتبول قاۋىمداستىقتارى وداعى (UEFA) كوروناۆيرۋس پاندەميياسىنا بايلانىستى قالىپتاسقان جاعدايعا قاراماستان, 2021/22 جىلعى ماۋسىمنان چەمپيوندار ليگاسى مەن ەۋروپا ليگاسىنان بٶلەك تاعى بٸر كلۋبتىق جارىس – كونفەرەنتسييالار ليگاسىن ۇيىمداستىرۋدى كٶزدەپ وتىر, دەپ حابارلايدى "ۇلت اقپارات".
بريتاندىق The Guardian باسىلىمىنىڭ جازۋىنشا, بۇل تۋرالى UEFA باسشىسى الەكساندەر چەفەرين مەلٸم ەتكەن.
«بٸز 2021/22 جىلعى ماۋسىمنان باستاپ كونفەرەنتسييالار ليگاسىن ٶتكٸزۋدٸ باستايمىز. ونى كەيٸنگە قالدىرمايمىز», - دەپ اتاپ ٶتكەن چەفەرين.
كونفەرەنتسييالار ليگاسىنىڭ توپتىق كەزەڭٸندە سەگٸز توپقا بٶلٸنەتٸن 32 كوماندا وينايدى. كۆارتەت جەڭٸمپازدارى اقتىق جارىستىڭ 1/8 كەزەڭٸنە ٶتەدٸ, ەكٸنشٸ ورىن ەنشٸلەگەن كوماندالار ەۋروپا ليگاسىنىڭ توپتىق كەزەڭٸندە ٷشٸنشٸ ورىن العان كلۋبتارمەن پلەي-وففقا شىعۋ ٷشٸن بەسەكەلەسەدٸ. جارىس جەڭٸمپازى كەلەسٸ ماۋسىمدا ەۋروپا ليگاسىندا ويناۋعا مٷمكٸندٸك الادى.
