ەلٸمٸزدە ۋچاسكەلٸك ينسپەكتور كٶمەكشٸسٸ لاۋازىمى ەنگٸزٸلەدٸ. بۇل تۋرالى حالىققا ەسەپ بەرۋ كەزدەسۋٸندە قر ٸشكٸ ٸستەر مينيسترٸ ەرلان تۇرعىمباەۆ ايتتى, دەپ حابارلايدى "ۇلت اقپارات".
«پوليتسييانىڭ نەگٸزگٸ مٸندەتتەرٸنٸڭ بٸرٸ – قۇقىق بۇزۋشىلىقتى بولدىرماۋ, ونىڭ الدىن الۋ. بۇل جەردە ۋچاسكەلٸك پوليتسييا ينسپەكتورلارىنىڭ ماڭىزى زور. مەملەكەت باسشىسى ۋچاسكەلٸك ينسپەكتورلاردىڭ مەرتەبەسٸن ارتتىرۋ تۋرالى تاپسىرما بەردٸ. ولاردىڭ جۇمىسىن تيٸمدٸ ەتۋ ٷشٸن قۇزىرەتٸن كەڭەيتٸپ, زاڭعا ٶزگەرتۋلەر ەنگٸزٸلۋدە», - دەدٸ مينيستر.
ونىڭ اتاپ ٶتۋٸنشە, قازٸرگٸ ۋاقىتتا اۋىلداردا ۋچاسكەلٸك ينسپەكتورلار جەتٸسپەيدٸ. كەي جەردە 3-4 اۋىلعا بٸر قىزمەتكەر جاۋاپتى بولىپ جٷر.
«وسىعان بايلانىستى, ٸشكٸ رەزەرۆ ەسەبٸنەن ۋچاسكەلٸك ينسپەكتور كٶمەكشٸسٸ لاۋازىمىن ەنگٸزۋ جوسپارلانىپ وتىر. جەرگٸلٸكتٸ اتقارۋشى ورگاندارمەن بٸرگە ۋچاسكەلٸك پۋنكتتەر سالۋ جوسپارلانۋدا. ٶز اۋماعىنا جاقىن بولۋى ٷشٸن اۋىلدىق جەرلەردە ۋچاسكەلٸك پۋنكتەر قىزمەتكەرلەر تۇراتىن ٷيمەن بٸرگە سالىنادى. ال قالالاردا تۇرعىن ٷي كەشەندەرٸندە ورنالاسادى», - دەدٸ ەرلان تۇرعىمباەۆ.
