Elimizde ýchaskelik inspektor kómekshisi laýazymy engiziledi. Bul týraly halyqqa esep berý kezdesýinde QR ishki ister ministri Erlan Turǵymbaev aitty, dep habarlaidy "Ult aqparat".
«Politsiianyń negizgi mindetteriniń biri – quqyq buzýshylyqty boldyrmaý, onyń aldyn alý. Bul jerde ýchaskelik politsiia inspektorlarynyń mańyzy zor. Memleket basshysy ýchaskelik inspektorlardyń mártebesin arttyrý týraly tapsyrma berdi. Olardyń jumysyn tiimdi etý úshin quzyretin keńeitip, zańǵa ózgertýler engizilýde», - dedi ministr.
Onyń atap ótýinshe, qazirgi ýaqytta aýyldarda ýchaskelik inspektorlar jetispeidi. Kei jerde 3-4 aýylǵa bir qyzmetker jaýapty bolyp júr.
«Osyǵan bailanysty, ishki rezerv esebinen ýchaskelik inspektor kómekshisi laýazymyn engizý josparlanyp otyr. Jergilikti atqarýshy organdarmen birge ýchaskelik pýnktter salý josparlanýda. Óz aýmaǵyna jaqyn bolýy úshin aýyldyq jerlerde ýchaskelik pýnkter qyzmetkerler turatyn úimen birge salynady. Al qalalarda turǵyn úi keshenderinde ornalasady», - dedi Erlan Turǵymbaev.
