ۇبت جاڭا فورماتى تٷلەكتەردٸڭ بٸلٸم دەڭگەيٸن ناقتىراق انىقتاۋعا جول اشادى

"ٷكٸمەتتە پرەمەر-مينيستر باقىتجان ساعىنتاەۆتىڭ تٶراعالىعىمەن ٶتٸپ جاتقان وتىرىستا قر بٸلٸم جەنە عىلىم مينيسترٸ ەرلان ساعاديەۆ ۇبت-نىڭ جاڭا فورماتىنىڭ ەرەكشەلٸكتەرٸ تۋرالى باياندادى", - دەپ حابارلايدى "ۇلت اقپارات" primeminister.kz پورتالىنا سٸلتەمە جاساپ.

ە.ساعاديەۆتٸڭ ايتۋىنشا, مينيسترلٸك قورىتىندى اتتەستاتسييالاۋدى بٶلۋ جۇمىستارىن جٷرگٸزگەن. ەندٸ تٷلەكتەر مەكتەپتٸ بٸتٸرۋ سىناعىن جەنە جوو-عا قابىلداۋ ەمتيحانى رەتٸندە ۇبت تاپسىرادى. مەكتەپتەگٸ قورىتىندى اتتەستاتسييا 5 پەننەن تۇرادى, ونىڭ 4-ۋٸ مٸندەتتٸ, 1 پەن  - تاڭداۋ بويىنشا.

ۇبت جوو-عا قابىلداۋ ەمتيحانى جەنە مەملەكەتتٸك گرانتتاردى بٶلۋ جٷيەسٸ رەتٸندە ساقتالادى, بٸراق ونىڭ فورماتى ٶزگەرەدٸ. بۇرىن 5 پەننەن 125 سۇراق بەرٸلٸپ, ونىڭ ٸشٸنەن 4 پەن بويىنشا 100 سۇراق ەسەپتەلەتٸن. ال 2017 جىلعى ۇبت فورماتىندا 120 سۇراق قاراستىرىلىپ, بارلىعى ەسەپتەلەدٸ. كەيبٸر سۇراقتاردىڭ جاۋابىنا 2 بالل بەرٸلەتٸندٸكتەن, ەڭ جوعارعى كٶرسەتكٸش – 140 بالعا تەڭ.

ساۋالدار 5 پەننەن قويىلادى, ولاردىڭ 3-ۋٸ مٸندەتتٸ, 2-ۋٸ تالاپكەر جوسپارلاعان جوو-داعى ماماندىققا بايلانىستى بەيٸندٸك پەن بولادى. تەستٸلەۋ ۋاقىتى دا ٶزگەرمەيدٸ – 3 ساعات 30 مينۋت. ٶتۋ بالى دا ٶزگەرگەن جوق - 50 بالل.

2017 جىلى ۇبت 20 ماۋسىم مەن 1 شٸلدە ارالىعىنلا ٶتەدٸ, سونداي-اق تٷلەكتەرگە ونى 2017 جىلدىڭ تامىزى مەن 2018 جىلدىڭ قاڭتارىندا قايتا تاپسىرۋعا مٷمكٸندٸك بەرٸلەدٸ.

انىقتاما:

ۇبت بەيٸندٸك پەندەرٸ 20 ساۋال مەن ونىڭ بەس تٷرلٸ جاۋاپ نۇسقاسىنان تۇرادى. سونىمەن قاتار, تٷلەكتەرگە 10 تاپسىرما بەرٸلٸپ, ونىڭ كٶپتەگەن جاۋاپتارىنىڭ ٸشٸنەن دۇرىستارىن تاڭداۋ ۇسىنىلادى. بەيٸندٸك پەندەردٸ تەستٸلەۋدەگٸ جاۋاپتاردىڭ بٸرنەشە نۇسقاسىنىڭ بولۋى تالاپكەردٸڭ ناقتى تاقىرىپتى قانشالىقتى جاقسى بٸلەتٸندٸگٸن تەكسەرۋگە مٷمكٸندٸك بەرەدٸ. سونداي-اق بٸرنەشە جاۋاپ نۇسقاسى ارقىلى تەستٸلەۋ جاۋاپتاردى كەزدەيسوق بەلگٸلەۋدٸ بولدىرماۋعا كٶمەكتەسەدٸ.