بٸلٸم جەنە عىلىم مينيسترلٸگٸ 2016 جىلعى كەشەندٸ تەستٸلەۋدٸ قايتا تاپسىرۋ نەتيجەلەرٸن جارييالادى. اتالعان شارا تامىزدىڭ 19 – 21-ٸ ارالىعىندا قازاقستاننىڭ بارلىق ايماقتارىندا ۇيىمداستىرىلدى. وعان ۇلتتىق بٸرىڭعاي تەستٸلەۋدە تٶمەنگٸ بالل دەڭگەيٸنە جەتە الماعاندار, تەستكە مٷلدەم قاتىسپاعاندار, كەشەندٸ تەستٸلەۋدە تٶمەنگٸ ۇپاي جيناي الماعاندار, سونداي-اق نەتيجەلەرٸ جويىلعان ازاماتتار قاتىستى. ۇبت-نى قايتا تاپسىرا الماعاندار بٸرٸنشٸ كۋرسقا قابىلدانادى. الايدا كەلەسٸ كۋرسقا ٶتۋ ٷشٸن بەرٸبٸر تەست تاپسىرىپ, ەڭ تٶمەنگە ۇپاي سانىن جيناۋ قاجەت, دەپ حابارلايدى ۇلت.كز تٸلشٸسٸ مينيسترلٸكتٸڭ رەسمي سايتىنا سٸلتەمە جاساپ.
رەسمي اقپاراتقا سەيكەس, كەشەندٸ تەستٸلەۋدٸ قايتا تاپسىرۋعا جالپى 45025 ادام ٶتٸنٸش بٸلدٸرگەن بولاتىن. الايدا ناقتى قاتىسقانداردىڭ سانى – 41801. سونىڭ 27306-سى – قازاق تٸلٸندە وقۋعا نيەتتٸ ادامدار, 14495-سٸ – ورىس تٸلٸندە وقۋدى تاڭداعاندار.
«تەستٸلەۋ نەتيجەلەرٸ بويىنشا تٶمەنگٸ بالل دەڭگەيٸنە 23778 ادام (56,884%) جەتە المادى. ۇبت ەرەجەلەرٸن بۇزعانى ٷشٸن 104 تالاپكەر تەستٸلەۋدەن شەتتەتٸلٸپ, ولاردىڭ كٶرسەتكەن نەتيجەلەرٸ جويىلدى», - دەلٸنگەن رەسمي حابارلامادا.
ايتا كەتەيٸك, بيىلدان باستاپ تالاپكەرلەردٸ مورالدىق-پسيحولوگييالىق تۇرعىدان قورعاپ, ولاردىڭ جوعارى بٸلٸم الۋ مٷمكٸندٸكتەرٸن ەدەۋٸر ارتتىرۋ ٷشٸن بٸرقاتار ٶزگەرٸستەر جاسالعان بولاتىن. اتاپ ايتقاندا, ۇلتتىق بٸرىڭعاي تەستٸلەۋ مەن كەشەندٸ تەستٸلەۋ نەتيجەلەرٸ بويىنشا ەڭ تٶمەنگٸ بالل دەڭگەيٸنەن اسا الماعان تالاپكەرلەر تەستٸلەۋدٸ اقىلى نەگٸزدە قايتا تاپسىرا الادى. ال قايتا تەستٸلەۋ نەتيجەسٸ بويىنشا ەڭ تٶمەنگٸ ۇپاي دا الا الماسا, تالاپكەر جوعارى وقۋ ورنىنا اقىلى نەگٸزدە, كٷندٸزگٸ وقۋ بٶلٸمدەرٸنە العاشقى اكادەمييالىق كەزەڭنٸڭ اياعىنا دەيٸن (1-كۋرستىڭ سوڭىنا دەيٸن) قابىلدانادى. وسىنداي شارت نەگٸزٸندە قابىلدانعان ازاماتتار بٸرٸنشٸ اكادەمييالىق كەزەڭنەن كەيٸن قايتا تەستٸلەۋدەن ٶتەدٸ. تٶمەنگٸ ۇپاي دەڭگەيٸنەن اسسا, كەلەسٸ كۋرسقا اۋىسادى. ودان اسا الماسا, وقۋدان شىعارىلادى.
ۇلت پورتالى
