ۇلتتىق بٸرىڭعاي تەستٸلەۋدەن شەتتەتٸلگەن بالالارمەن پسيحولوگتەر جۇمىس ٸستەيدٸ. بۇل تۋرالى قر بعم ۇلتتىق تەستٸلەۋ ورتالىعى ديرەكتورىنىڭ ورىنباسارى ناۋجان ديداربەكوۆا ايتتى, دەپ حابارلايدى قازاقپارات.
«قازٸرگٸ ۋاقىتتا ەلٸمٸزدە 10 007 تٷلەك بٷگٸن ۇبت تاپسىرۋعا ٶتٸنٸش بەرگەن. ونىڭ ٸشٸندە قازٸر ەلٸمٸزدٸڭ 17 ٶڭٸرٸندەگٸ 77 ۇبت ٶتكٸزۋ پۋنكتٸندە تەستٸلەۋ ٶتكٸزٸلٸپ جاتىر. 9-ى قالالىق جەردە, 68-ٸ اۋىلدى ەلدٸ مەكەندەردە ورنالاسقان», - دەدٸ ول ورتالىق كوممۋنيكاتسييالار قىزمەتٸندەگٸ بريفينگ بارىسىندا.
سونىمەن قاتار, ول تەست تاپسىرۋعا جٸبەرٸلمەگەن بالالارمەن پسيحولوگتەر جۇمىس ٸستەيتٸندٸگٸن ايتتى.
«جالپى, تەستٸلەۋدەن شەتتەتٸلگەن بالالارمەن مەكتەپ پسيحولوگتەرٸ, اتا-انالار, مەكتەپ مۇعالٸمدەرٸ تيٸستٸ جۇمىس جٷرگٸزەدٸ. بٸز دە بۇل شارالاردان تىس قالىپ وتىرعان جوقپىز. تەستتەن شەكتٸ بالل الا الماي قالعان بالالارمەن دە تيٸستٸ جۇمىستار جٷرگٸزەتٸن بولامىز. ال دەنە قىزۋىمەن كەلگەن بالالارعا مەديتسينالىق كٶمەك قاجەت بولادى», - دەدٸ ناۋجان ديداربەكوۆا.
