Ulttyq biryńǵai testileýden shettetilgen balalarmen psihologter jumys isteidi. Bul týraly QR BǴM Ulttyq testileý ortalyǵy direktorynyń orynbasary Naýjan Didarbekova aitty, dep habarlaidy QazAqparat.
«Qazirgi ýaqytta elimizde 10 007 túlek búgin UBT tapsyrýǵa ótinish bergen. Onyń ishinde qazir elimizdiń 17 óńirindegi 77 UBT ótkizý pýnktinde testileý ótkizilip jatyr. 9-y qalalyq jerde, 68-i aýyldy eldi mekenderde ornalasqan», - dedi ol Ortalyq kommýnikatsiialar qyzmetindegi brifing barysynda.
Sonymen qatar, ol test tapsyrýǵa jiberilmegen balalarmen psihologter jumys isteitindigin aitty.
«Jalpy, testileýden shettetilgen balalarmen mektep psihologteri, ata-analar, mektep muǵalimderi tiisti jumys júrgizedi. Biz de bul sharalardan tys qalyp otyrǵan joqpyz. Testten shekti ball ala almai qalǵan balalarmen de tiisti jumystar júrgizetin bolamyz. Al dene qyzýymen kelgen balalarǵa meditsinalyq kómek qajet bolady», - dedi Naýjan Didarbekova.
