ۇبت كەزٸندە قويىلاتىن تالاپتار تۋرالى قالالىق بٸلٸم سالاسىندا ساپانى قامتاماسىز ەتۋ دەپارتامەنتٸنٸڭ باسشىسى گٷلنارا ەرمەكباەۆا ايتتى, – دەپ حابارلايدى قازاقپارات.
«ۇبت ٶتكٸزۋدٸ ارنايى مونيتورينگ توبىنىڭ مٷشەلەرٸ باقىلايتىن بولادى. ارتىق اقپارات الۋعا بولاتىن زاتتار, سمارتفوندار, شپارگالكالار تابىلعان جاعدايدا وقۋشى تەستٸلەۋدەن اۆتوماتى تٷردە الىنادى. تٸپتٸ ودان كەيٸن اقىلى تٷردە تاپسىرۋعا دا رۇقسات بەرٸلمەيدٸ», - دەدٸ دەپارتامەنت باسشىسى ونلاين بريفينگ بارىسىندا.
گٷلنارا ەرمەكباەۆا بيىل الماتىدا ۇبت-عا 14 972 تٷلەك قاتىساتىنىن ايتتى. ونىڭ 9044-ٸ مەكتەپ تٷلەكتەرٸ بولسا, قالعانى – ورتا كەسٸپتٸك بٸلٸم بەرۋ ورىندارىنىڭ بٸتٸرۋشٸلەرٸ. ال مەكتەپ بٸتٸرگەنٸ تۋرالى اتتەستات 3-4 ماۋسىمدا مەكتەپ قابىرعاسىندا تاپسىرىلادى.
دەپارتامەنت باسشىسى اتا-انالارعا بالالارىنىڭ قاسىنا ەرٸپ كەلمەۋگە كەڭەس بەردٸ. قالادا 545 وقۋشى التىن بەلگٸگە ٷمٸتكەر.
