UBT kezinde qoiylatyn talaptar týraly qalalyq bilim salasynda sapany qamtamasyz etý departamentiniń basshysy Gúlnara Ermekbaeva aitty, – dep habarlaidy QazAqparat.
«UBT ótkizýdi arnaiy monitoring tobynyń músheleri baqylaityn bolady. Artyq aqparat alýǵa bolatyn zattar, smartfondar, shpargalkalar tabylǵan jaǵdaida oqýshy testileýden avtomaty túrde alynady. Tipti odan keiin aqyly túrde tapsyrýǵa da ruqsat berilmeidi», - dedi departament basshysy onlain brifing barysynda.
Gúlnara Ermekbaeva biyl Almatyda UBT-ǵa 14 972 túlek qatysatynyn aitty. Onyń 9044-i mektep túlekteri bolsa, qalǵany – orta kásiptik bilim berý oryndarynyń bitirýshileri. Al mektep bitirgeni týraly attestat 3-4 maýsymda mektep qabyrǵasynda tapsyrylady.
Departament basshysy ata-analarǵa balalarynyń qasyna erip kelmeýge keńes berdi. Qalada 545 oqýshy Altyn belgige úmitker.
