فوتو: gov.kz
ۇبت-نىڭ بٸرٸنشٸ كٷنٸ قر عجبم جوعارى جەنە جوعارى وقۋ ورنىنان كەيٸنگٸ بٸلٸم كوميتەتٸنٸڭ تٶرايىمى گٷلزات كٶبەنوۆا استانا قالاسىندا ورنالاسقان تەستٸلەۋ ورتالىقتارىنىڭ بٸرٸنە بارىپ, تالاپكەرلەرگە سەتتٸلٸك تٸلەدٸ, دەپ حابارلايدى Ult.kz inbusiness.kz سايتى.
تالاپكەرلەر نەگٸزگٸ ۇبت-نى ەكٸ رەت تاپسىرىپ, ەڭ ٷزدٸك نەتيجەمەن گرانت كونكۋرسىنا قاتىسا الادى. تالاپكەرلەر تەستٸلەۋ كٷنٸن, ۋاقىتىن جەنە پۋنكتٸن ٶزدەرٸ تاڭدايدى. بۇل رەتتە ولار ەكٸ مٷمكٸندٸك ٷشٸن دە بەيٸندٸك پەندەردٸڭ بٸر عانا كومبيناتسيياسىن بەلگٸلەدٸ.
216 مىڭعا جۋىق تالاپكەر تەستٸلەۋگە قاتىسۋعا ەكٸ مٷمكٸندٸكتٸ ەسەپكە العاندا 399 مىڭعا جۋىق ٶتٸنٸش بەرگەن (2024 جىلى 186 مىڭعا جۋىق تالاپكەر تەستٸلەۋگە قاتىسۋعا ەكٸ مٷمكٸندٸكتٸ ەسەپكە العاندا 342 مىڭ ٶتٸنٸش قالدىرعان). ونىڭ ٸشٸندە تاپسىرۋشىلاردىڭ 75%-ى قازاق تٸلٸندە, 25%-عا جۋىعى ورىس تٸلٸندە, 266 ادام اعىلشىن تٸلٸندە تەستٸلەۋدەن ٶتۋگە ٶتٸنٸش بٸلدٸردٸ.
"ٶتٸنٸش بەرۋ كەزٸندە تالاپكەرلەر تەستٸلەۋ كٷنٸن, ۋاقىتىن جەنە ورنىن ٶزدەرٸ تاڭدادى. ۇبت-نىڭ بٸرٸنشٸ كٷنٸ بٷكٸل ەلٸمٸز بويىنشا 4589 ادام, ونىڭ ٸشٸندە ەلوردادا 323 تالاپكەر تەستٸلەۋدەن ٶتەدٸ. جالپى ۇبت 46 تەستٸلەۋ پۋنكتٸندە ۇيىمداستىرىلعان. بٸرنەشە جىل قاتارىنان ەڭ كٶپ تاڭدالعان بەيٸندٸك پەندەر كومبيناتسيياسى "ماتەماتيكا-فيزيكا" بولىپ قالىپ وتىر – ونى تٷلەكتەردٸڭ 16,5%-ى تاڭدادى. بۇل تالاپكەرلەردٸڭ ينجەنەرلەر, مۇعالٸمدەر, ەنەرگەتيكتەر, قۇرىلىسشىلار جەنە باسقا دا تەحنيكالىق ماماندىقتارعا دەگەن ۇمتىلىسىن كٶرسەتەدٸ. تانىمالدىعى بويىنشا كەلەسٸ كومبيناتسييالار: بولاشاق مەديكتەرگە باعىتتالعان "بيولوگييا-حيمييا" (15,6%) جەنە IT سالاسىنا قىزىعۋشىلىق تانىتاتىن تالاپكەرلەردٸ تارتاتىن "ماتەماتيكا-ينفورماتيكا" (9,7%)", – دەدٸ گٷلزات كٶبەنوۆا.
ۇبت-داعى پەندەردٸڭ سانى ٶزگەرٸسسٸز قالادى, ياعني ٷشەۋٸ مٸندەتتٸ جەنە ەكەۋٸ تاڭداۋ بويىنشا. ۇبت تاپسىرمالار سانى – 120. ونىڭ ٸشٸندە "قازاقستان تاريحىنان" 20 تاپسىرما, "وقۋ ساۋاتتىلىعىنان" 10 تاپسىرما, "ماتەماتيكالىق ساۋاتتىلىقتان" 10 تاپسىرما جەنە ەكٸ بەيٸندٸك پەن بويىنشا 40 تاپسىرمادان. جوعارى بالل – 140.
تەستٸلەۋ ۋاقىتى – 4 ساعات (240 مينۋت). بۇل رەتتە ەرەكشە بٸلٸم بەرۋ قاجەتتٸلٸكتەرٸ بار بالالار ٷشٸن ۇسىنىلاتىن قوسىمشا 40 مينۋت ۋاقىت ساقتالاتىنىن ايتا كەتۋ كەرەك.
جوعارى جەنە جوعارى وقۋ ورنىنان كەيٸنگٸ بٸلٸم كوميتەتٸنٸڭ تٶرايىمى ۇبت-عا تيٸمدٸ دايىندىق ٷشٸن بارلىق قاجەتتٸ جاعدايلار جاسالىپ جاتقانىن اتاپ ٶتتٸ. اتاپ ايتقاندا, ەربٸر پەن بويىنشا نەتيجەلەرگە جەكە تاقىرىپتىق تالداۋ ەنگٸزٸلدٸ. بۇل تٷلەكتەرگە ەر ۇبت-دان (قاڭتار نەمەسە ناۋرىز) كەيٸن ٶزدەرٸنٸڭ وسال تۇستارىن جەدەل انىقتاپ, ماقساتتى تٷردە پىسىقتاۋعا مٷمكٸندٸك بەرەدٸ. ونىڭ ٷستٸنە, تٸپتٸ تەستٸلەۋدٸڭ بٸرٸنشٸ مٷمكٸندٸگٸنەن كەيٸن تالاپكەرلەرگە دايىندىقتارىن كٷشەيتۋگە جەنە كەلەسٸ ۇبت كەزٸندە جوعارى كٶرسەتكٸش كٶرسەتۋ مٷمكٸندٸگٸن ارتتىرۋعا جەتكٸلٸكتٸ ۋاقىت بار.
دايىندىق دەڭگەيٸن باعالاۋ جەنە ەمتيحان فورماتىنا بەيٸمدەلۋ ٷشٸن ونلاين سىناقتان ٶتۋ مٷمكٸندٸگٸ قاراستىرىلعان. سونىمەن قاتار وقۋ جىلىنىڭ باسىندا ۇلتتىق تەستٸلەۋ ورتالىعىنىڭ سايتىندا دايىندىق ٷشٸن بارلىق قاجەتتٸ ماتەريالدار جارييالانادى: ۇسىنىلاتىن وقۋلىقتاردىڭ تٸزٸمٸ; تەستتٸڭ تولىق جوسپارى; قازاقستان تاريحى جەنە دٷنيەجٷزٸلٸك تاريح بويىنشا 100 ماڭىزدى تاريحي كٷندەردٸڭ تٸزٸمٸ; ينفورماتيكا بويىنشا تەرميندەر گلوسسارييٸ; قازاق جەنە ورىس ەدەبيەتٸ بويىنشا ەدەبي شىعارمالاردىڭ تٸزٸمٸ. بۇل رەسۋرستاردىڭ بارلىعى تالاپكەرلەردٸ ۇبت-عا سەنٸمدٸ جەنە سەتتٸ دايىندىق ٷشٸن قۇرالداردىڭ تولىق جيىنتىعىمەن قامتاماسىز ەتۋگە باعىتتالعان.
اكادەمييالىق ادالدىقتى قامتاماسىز ەتۋ ماقساتىندا ۇبت-عا قاتىسۋشى ەربٸر ادام جەكە جاسالعان تەست نۇسقاسىن الادى. ەمتيحان كەزٸندە تەستٸلەۋ باعدارلاماسىندا كالكۋلياتور, حيمييالىق ەلەمەنتتەردٸڭ پەريودتىق جٷيەسٸ جەنە تۇزداردىڭ ەرٸگٸشتٸك كەستەسٸ قولجەتٸمدٸ بولادى. سونىمەن قاتار تالاپكەرلەرگە ىڭعايلى بولۋ ٷشٸن كەستەلەردٸڭ قاعاز نۇسقالارى دا بەرٸلەدٸ.
مازمۇنى بويىنشا اپەللياتسيياعا ٶتٸنٸشتٸ تەستٸلەۋ اياقتالعاننان كەيٸن 30 مينۋت ٸشٸندە, ال تەحنيكالىق اپەللياتسييا بويىنشا ٶتٸنٸشتٸ تەستٸلەۋ بارىسىندا بەرۋگە بولادى. سەرتيفيكات اپەللياتسييا قارالعاننان كەيٸن تەستٸلەنۋشٸنٸڭ جەكە كابينەتٸندە قولجەتٸمدٸ بولادى. تالاپكەردٸڭ جەكە كابينەتٸندە رەسپۋبليكالىق اپەللياتسييالىق كوميسسييا وتىرىسىنىڭ مەرزٸمٸ كٶرسەتٸلەدٸ. رەسپۋبليكالىق اپەللياتسييالىق كوميسسييا وتىرىسى باستالعانعا دەيٸن اپەللياتسييا ٶتٸنٸشٸن جەكە كابينەتٸندە قايتارىپ الۋ مٷمكٸندٸگٸ بار. اپەللياتسييا ٶتٸنٸشٸن قايتارىپ العاننان كەيٸن سەرتيفيكات تالاپكەردٸڭ جەكە كابينەتٸندە بٸر جۇمىس كٷنٸ ٸشٸندە قولجەتٸمدٸ بولادى.
شەكتٸ بالدار ٶزگەرٸسسٸز قالدى: "قۇقىق" جەنە "پەداگوگيكالىق عىلىمدار" باعىتتارىنا تٷسۋ ٷشٸن كەمٸندە 75 بالل, "دەنساۋلىق ساقتاۋ جەنە ەلەۋمەتتٸك قامتاماسىز ەتۋ (مەديتسينا)" ٷشٸن كەمٸندە 70 بالل جيناۋ قاجەت; ۇلتتىق جوو-عا تٷسۋ ٷشٸن كەمٸندە 65 بالل, باسقا جوو-عا تٷسۋ ٷشٸن كەمٸندە 50 بالل جيناۋ قاجەت.
قاۋٸپسٸزدٸكتٸ قامتاماسىز ەتۋ جەنە بۇزۋشىلىقتاردىڭ الدىن الۋ ماقساتىندا تەستٸلەۋگە كٸرە بەرٸستە تىيىم سالىنعان زاتتاردى, مىسالى, تەلەفونداردى, شپارگالكالاردى جەنە ت.ب. الىپ كٸرۋگە جول بەرمەۋ ٷشٸن قول جەنە رامالىق مەتالل ٸزدەگٸشتەر قولدانىلادى.
تەستٸلەۋ اۋديتورييالارىندا رۇقسات ەتٸلگەن ماگنيتتٸك تولقىندار شەگٸندە موبيلدٸ جەنە راديوەلەكتروندى بايلانىس سيگنالدارىن باساتىن قۇرىلعىلار پايدالانىلادى, سونداي-اق بەينەباقىلاۋ جٷرگٸزٸلەدٸ.
2025 جىلعى ۇبت اياقتالعاننان كەيٸن كٷنتٸزبەلٸك جىلدىڭ 31 قازانىنا دەيٸن بەينەجازبالارعا تالداۋ جٷرگٸزٸلەدٸ. تىيىم سالىنعان زاتتاردى پايدالانۋ نەمەسە باسقا دا ەرەجەلەردٸ بۇزۋ فاكتٸلەرٸ انىقتالعان جاعدايدا تالاپكەردٸڭ ۇبت نەتيجەلەرٸ جويىلادى.
